Екипата на Вардар останува лидер во Втората македонска фудбалска лига (ВМФЛ), со сигурна победа на домашен терен против Саса (3-0).
Вардарци се распукаа во финишот. Имаа предност избраниците на Бобан Грнчаров со голот на Десниќ кој продолжи да игра во топ-форма, а пред самиот крај, во последните три минути погодија Размоски и Митев за конечни 3-0.
Останатите водечки продолжија да го следат лидерот Вардар. Гостиват освои три бода на гости кај Беласица (0-3). Воска Спорт исто така забележа гостински триумф кај Слога Виница (1-3), три бода освои и Пелистер против Детонит (2-0).
ИЗВОР: kurir.mk
