Иако немаат закажна телефонски разговор, претседателот на Руската федерација, Владимир Путин, е отворен за разговори со германскиот канцелар Олаф Шолц, вели портпаролот на Кремљ, Дмитриј Песков. Изјавата на портпаролот доаѓа откако минатата недела официјален Берлин даде зелено светло за испраќање на 14 тенкови од типот „Леопард 2“ за потребите на украинската армија, а воедно дозволија и сојузничките европски земји да испратат тенкови од германско производство во Украина.
„Засега нема договорени разговори со Шолц. Путин беше и останува отворен за контакти“,
рече Песков.
А во интервју за германскиот дневен весник Тагешпигел, објавено денеска, канцеларот Шолц во сличен тон како и Песков. Вели дека и тој сака да разговара со Путин бидејќи тоа е неопходно.
„Одговорност на Путин е да ги повлече војниците од Украина за да стави крај на оваа ужасна, бесмислена војна која веќе чини стотици илјади животи“,
вели Шолц.
Путин и Шолц последен пат разговараа телефонски на почетокот на декември. Рускиот лидер тогаш рече дека германската и западната линија кон Украина е „деструктивна“ и го повика Берлин да го преиспита својот пристап.
Извор: 360stepeni.mk
