Дали премиерот Христијан Мицкоски и ВМРО-ДПМНЕ го поддржуваат Игор Јанушев, од оваа партија, кој поднесе иницијатива до Уставниот суд за Законот за употреба на јазиците или за уставноста на албанскиот јазик, не добивме точен одговор.
Но, шефот на Владата, говорејќи за конечната одлука на Уставниот суд, уверува дека утре ништо нема да се случи и дека ситуацијата е под контрола. Мицкоски обвинува дека ДУИ намерно прави поделби и етнички тензии, иако, како што вели, најдобро ги знаат процедурите и самите одлучиле и ги избрале судиите, глумат дека вршат притисок врз нив.
Дури и првиот вицепремиер, Изет Меџити, изјави дека Законот за јазиците нема да биде засегнат. Според него, бидејќи ДУИ оставиле половични решенија, сега тие се соочени со овие половични решенија, како за законот за јазиците, така и за други прашања.
Политичарите да го остават Уставниот суд да работи по Уставот и Деловникот, порача претседателката Гордана Силјановска Давкова.
Седницата на Уставниот суд за разгледување на оспорените членови од Законот за јазиците е закажана за утре во 9:30 часот. Засега двајцата, судии Албанци, Осман Кадриу и Насер Ајдари најавија дека ќе ја бојкотираат седницата.
ИЗВОР: ТВ 21
