(ВИДЕО) Во Москва голем концерт пред годишнината од војната, свое обраќање ќе има Путин

February 22, 2023
1 min read

Како што објави Би-би-си, на руските телеграм-канали се појавија фотографии од реклами кои на потенцијалните посетители на концертот им ветуваат 500 рубли (нешто помалку од 7 американски долари)

Илјадници граѓани се собраа на стадионот „Лужники“ во Москва на концерт посветен на Денот на бранителот на татковината, кој некои го протолкуваа како прослава на една година од почетокот на војната во Украина. Инаку, тоа е празник кој се слави од 1993 година за одбележување на денот на првото масовно регрутирање во Црвената армија во Петербург и Москва на 23 февруари 1918 година, како и на првата борбена акција против окупаторската армија на Германија во Втората светска војна.

Руски и белоруски музичари ќе настапат на овогодинешната прослава, која се одржува во екот на војната во Украина.

Руските медиуми објавуваат снимки и фотографии на кои се гледа како маси луѓе се слеваат кон стадионот на кој се играше финалето на Светското првенство во 2018 година, а некои од нив се облечени во воени униформи со ознаки „З“ поврзани со руските војници.

Со цел да се обезбеди добра посетеност на концертот, во Москва пристигнаа голем број автобуси од другите делови на Русија. Оваа практика е доста вообичаена за големите „патриотски“ собири во Русија. Како што објави Би-би-си, на руските телеграм-канали се појавија фотографии од реклами кои на потенцијалните посетители на концертот им ветуваат 500 рубли (нешто помалку од 7 американски долари).

Некои огласи се директно упатени до студентите. Сите студенти што сакаат да дојдат на концертот не мора да посетуваат предавања цел ден, стои во една реклама. Во друга, на студентите што доаѓаат на концертот во Москва им се ветуваат „бесплатна храна и подароци“. Би-би-си објави дека еден постер кој го рекламира концертот им забранува на посетителите да носат жолто или сино – боите на украинското знаме.

Противниците на рускиот претседател Путин наведуваат дека ова е концерт за поддршка на руската армија во војната во Украина.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Акција за чистење на Злокуќани во општина Карпош

Следно

Речиси милион барања за азил во ЕУ минатата година

Latest from Blog

Коњановски: Гласот на младите треба да се преточи во конкретни локални решенија

Триесет средношколци од Битола развија проектни предлози за решавање проблеми во својата заедница, во рамките на проектот ЛАПСИ – Локални активни платформи за социјални иновации. На денешната работилница тие ги финализираа идеите

Општина Прилеп: Втор повик за поддршка на семејствата со првачиња во учебната 2026/2027 година

Општина Прилеп објави втор јавен повик за доделување еднократна парична помош на семејствата со деца запишани во прво одделение во учебната 2026/2027 година. Повикот е наменет за родителите кои не аплицирале во

Општина Битола: Продолжува креирањето на буџетот за 2027 година заедно со граѓаните

Општина Битола го најави одржувањето на третиот буџетски форум, на кој граѓаните ќе имаат можност да учествуваат со свои идеи, предлози и иницијативи во процесот на креирање на општинскиот буџет за 2027

Божиновска: На 25 ноември во Скопје го отвораме Првиот форум за енергетска дипломатија

На 25 ноември, во хотелот „Александар Палас“ во Скопје, ќе се одржи Првиот форум за енергетска дипломатија „Обновливи извори и жените во енергетиката“, најави министерката за енергетика, рударство и минерални суровини, Сања

Николоски од Виена: Македонија ќе стане клучна транспортна крстосница во Југоисточна Европа

Предизвикот за земјите од регионот е како заеднички да настапуваат на европскиот пазар, како да се натпреваруваат со конкуренцијата и како да се постигне повисоко ниво на развој. За овие прашања,  за
Go toTop