Градоначалникот на Чезена, Енцо Лутака, на Фејсбук објави предупредување дека силниот дожд што континуирано паѓа во регионот Емилија-Ромања може да предизвика повторно излевање на реката Савио и помалите притоки. Тој ги повика жителите да се преселат на горните катови од своите домови и да ги избегнуваат бреговите на реките, а најави и затворање на некои мостови и улици за сообраќај по големите поплави предизвикани од одроните од кал кои го преплавија градот
Заменик-шефицата на агенцијата за цивилна заштита Тити Постиљоне рече дека неколку луѓе се водат за исчезнати, но не може да ја каже точната бројка. Државната телевизија РАИ и другите медиуми соопштија дека станува збор за најмалку четири лица, едно во Чезена и три во блискиот Форли
Три лица загинаа, а повеќе од 5 000 се евакуирани во поплавите што ја зафатија Италија, соопштија властите на земјата, пренесуваат светските агенции.
Властите на северот од земјата денеска издадоа предупредување до населението да се релоцира на повисоки места поради стравувањата дека реките, кои се надојдени од обилните врнежи, можат да да ги урнат заштитните насипи.
Градоначалникот на Чезена, Енцо Лутака, на Фејсбук објави предупредување дека силниот дожд што континуирано паѓа во регионот Емилија-Ромања може да предизвика повторно излевање на реката Савио и помалите притоки.
Тој ги повика жителите да се преселат на горните катови од своите домови и да ги избегнуваат бреговите на реките, а најави и затворање на некои мостови и улици за сообраќај по големите поплави предизвикани од одроните од кал кои го преплавија градот.
„Ситуацијата би можела повторно да стане критична… Воопшто не можеме да се опуштиме“,
изјави Лутака.
Италијанскиот министер за цивилна заштита Нело Мусемечи потврди дека три лица ги загубиле животите во поплавите и дека околу 5 000 луѓе се евакуирани.
Во видеоснимка објавена од „Гардијан“ се слуша како жители на подрачје погодено од поплавите повикуваат за помош откако водата почнала да ги поплавува катовите од нивните домови.
Заменик-шефицата на агенцијата за цивилна заштита Тити Постиљоне рече дека операциите за спасување на оние на кои им е потребна итна евакуација биле особено тешки со оглед на тоа што многу патишта и патни делови се поплавени. Говорејќи на Скај ТГ24 (Sky TG24), таа истакна дека погодената област од поплави опфаќа широк опсег од четири провинции кои, до обилните дождови, биле исушени од долготрајна суша, пренесува регионалниот сервис на Радио Слободна Европа повикувајќи се на извештаите на новинските агенции Ројтерс и Асошиејтед прес.
Таа рече и дека неколку луѓе се водат за исчезнати, но не може да ја каже точната бројка.
Државната телевизија РАИ и другите медиуми соопштија дека најмалку четири лица се водат како исчезнати, едно во Чезена и три во блискиот Форли.
Неколку реки се излеаја од коритата во Ромања, источниот дел од регионот свртен кон Јадранското Море, принудувајќи ги луѓето во градовите како Чезена да се качат на покривите на зградите каде што пожарникарите ги спасуваа со хеликоптери или гумени чамци.
Премиерката Џорџа Мелони рече дека владата ја следи ситуацијата и е подготвена да интервенира со потребната помош.
Во Италија се бележи пораст на временските непогоди. Обилните врнежи во Емилија-Ромања уследија по неколкунеделна суша која ја исуши земјата и ја намали апсорпцијата на вода и ја зголеми опасноста од поплави.
Со поплави предизвикани од обилни врнежи од дожд деновиве се соочуваат и Хрватска и Босна и Херцеговина.
Според последните информации, состојба на природна катастрофа е прогласена во Бихаќ, Босанска Крупа, Велика Кладуша, Сански Мост и Чазин во Унско-санскиот кантон на западот на Босна и Херцеговина (БиХ).
Во тек е седницата на Владата на Унско-санскиот кантон, на која се разгледува прогласување на вонредна состојба на подрачјето на Кантонот.
Градоначалникот на Босанска Крупа претходно за Радио Слободна Европа (РСЕ) изјави дека во тој град се поплавени повеќе од 200 станбени згради по излевањето на реките Уна и Крушница.
Извор: 360stepeni.mk
