(ВИДЕО) По вечерашните земјотреси во Турција новинарка се расплака во јавување во живо: Се тресеше неверојатно силно

Земјата попушташе под нашите нозе, се тресеше неверојатно силно, зборуваше новинарката во солзи

Колку вечерашните силни земјотреси на југот на Турција ги вознемирија тамошните жители и предизвикаа паника, вечерва покажа и реакцијата на новинарката на „Си-ен-ен Турција“, коja се јави да известува во живо од погодениoт регион.

Непосредно по двата земјотреси од 6,4 и 5,8 степени, новинарката Бусе Девирен во живо известуваше од камп каде што се сместени преживеани лица од разорните земјотреси пред две недели и ги пренесуваше реакциите по двата вечерашни земјотреси.

Видно вознемирена, таа не можеше да ги задржи солзите и се расплака додека известуваше.

„Земјата попушташе под нашите нозе. Се тресеше неверојатно. Беше неверојатно силен земјотрес. Не беше како афтершокови. Местото е во чад во моментов“,

рече Деривен.

Нејзината реакција можете да ја погледнете во видеото во продолжение.

CNN Türk Muhabiri Buse Deviren:

“Yer ayağımızın altından kaydı. İnanılmaz büyük bir depremdi. Bu artçı gibi bir deprem değildi.

Burası şu anda duman altı. Muhtemelen yıkılmayan binalar yıkıldı.” pic.twitter.com/WxvgihuviM

— Onedio (@onediocom) February 20, 2023

Двата силни земјотреси вечерва беа регистрирани во провинцијата Хатај, која беше една од најпогодените и од разорните земјотреси на 6 февруари.