(ВИДЕО) Објавени полициски снимки од вооружениот напад во банка во Луисвил, Кентаки

April 12, 2023
1 min read

Станува збор за снимки кои се од камерите поставени на телата на полицајците

Полицијата објави снимка на која се прикажани моментите кога полицајците пристигнале на местото на вооружениот напад во банка во центарот на Луисвил, во американската сојузна држава Кентаки, кога маж отворил оган врз нив. Станува збор за снимки кои се од камерите поставени на телата на полицајците.

За време на нападот, 23-годишникот со пушка пукал во 13 луѓе, убивајќи четворица.

Еден полицаец бил застрелан во главата неколку минути по доаѓањето на местото на настанот.

Заменик-началникот на полицијата во градот Луисвил, Пол Хемфри, на прес-конференција ги пофали полицајците за нивниот херојство, пишува Асошиетед прес.

Полицијата добила дојава за пукање во 8:38 часот, а на местото на настанот пристигнале двајца полицајци три минути подоцна. Тие не излегле ни од патролното возило кога вооружениот напаѓач почнал да пука во нив.

„Назад, назад, назад“, извикува еден од полицајците, додека во позадина се слушаат пукотници.

На фотографијата од надзорната камера се гледа како напаѓачот во фармерки, сина кошула и патики држи пушка додека е опкружен со скршено стакло внатре во зградата. Полицијата тврди дека напаѓачот поставил заседа за веднаш штом пристигнале полицајците да ги нападне.

Хемфри објаснил дека поради одразот, полицајците не можеле да го видат напаѓачот низ стаклената влезна врата, додека тој имал добар поглед кон нив. На видеото се гледа како полицаецот вади пушка од багажникот на своето патролно возило и им наредува на колегите да го покријат.

Полицаецот потоа, со колегата, почнал да се приближува до банката. Во моментот кога полицајците се движеле кон влезната врата, напаѓачот испукал серија куршуми. Едниот од полицајците бил застрелан во главата.

Полицијата го идентификуваше осомничениот напаѓач кој уби најмалку четири лица во банка во Луисвил, Кентаки, како Конор Старџен (23) кој бил вработен во банката, пишува Си-ен-ен.

Дваесет и тригодишникот, според Си-ен-ен, бил известен дека ќе биде отпуштен од банката во Луисвил, каде што работел една година, по што напишал белешка до своите родители во која навел дека ќе пука во банката.

Се додава дека тој го снимал и го пренесувал во живо пукањето во банката на социјалната мрежа Инстаграм. Снимката подоцна била избришана од социјалната мрежа, но се наведува дека полицијата го поседува видеото.

Загинатите се на возраст од 40, 57, 63 и 64 години. Останатите девет лица, од кои двајца полицајци и седуммина цивили, се повредени и се пренесени в болница. Тројца од повредените се во критична состојба, меѓу кои и еден полицаец кому му било пукано во главата.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Стефан Ристовски потпиша нов договор со Динамо Загреб

Следно

Папата Франциск сака да се расветли мистеријата на девојката од Ватикан која исчезна пред 40 години

Latest from Blog

Тоневски: Пробиштип со подобри услови за итни медицински интервенции

Две нови, современо опремени амбулантни возила пристигнаа во ЈЗУ Здравствен дом „Нада Михајлова“ во Пробиштип, информира градоначалникот Тони Тоневски. Според него, возилата ќе придонесат за подобри услови за работа на службата за

Николоски: Инвестираме меѓу 5 и 6 милијарди евра во коридорите 8 и 10, Македонија ќе стане вистинска крстосница на Балканот

Заменик-претседателот на Владата и министер за транспорт, Александар Николоски, денеска се обрати на 23. Виенски економски форум, каде што ја истакна важноста на регионалната економска соработка, заедничкиот настап на европскиот пазар и

Критичните суровини стануваат европски приоритет, потребни се нови инвестиции и модерно рударство

Европската Унија ја засилува финансиската поддршка за обезбедување критични суровини, препознавајќи ги како основа за идниот индустриски, енергетски и безбедносен развој на континентот. Како дел од измените на буџетот за периодот 2028–2034

Николоски во Виена: Економската соработка и стратешките инфраструктурни проекти во фокусот на 23. Виенски економски форум

Заменик претседателот на Владата, Александар Николоски e во работа посета на Виена, Австрија, каде учествува на 23-от Виенски економски форум. Оваа година Виенскиот економски форум се реализира под мотото “ Виенски дијалог

Проданоски: Граѓани и волонтери се обединија во акција за позелен Прилеп

Околу 500 садници беа засадени во близина на манастирот „Св. Димитриј“ кај прилепското село Селце, во акција организирана од Здружението „Сина револуција“, со поддршка од компанијата „Бехтел ЕНКА“. Во акцијата, организирана по
Go toTop