По соборувањето на балонот за кој Соединетите американски држави (САД) се сомневаат дека е шпионски кинески балон, се јави со коментар и американскиот претседател Џо Бајден. Тој изјави дека акцијата била успешна и дека тој лично му наредил на Пентагон да го соборат штом ќе биде безбедно.
„Во средата бев информиран за балонот. Му наредив на Пентагон да биде соборен што е можно побрзо. Одлучивме леталото да биде соборено на таков начин што нема да нанесе штета никому на земјата. Одлучивме дека најдобро е тоа да го направиме кога ќе биде над вода“,
рече Бајден.
Кинескиот балон кој првично беше забележан во средата во Монтана, над воена база каде, според извештаите, се чуваат 150 интерконтинентални балистички ракети вооружени со нуклеарни боеви глави. Пентагон го опиша како сомнителен објект за набљудување од висина.
Кинеското министерство за надворешни работи соопшти дека станува збор за метеоролошки цепелин кој што го изгубил курсот.
Фото: EPA-EFE/MICHAEL REYNOLDS
Извор: 360stepeni.mk
