(ВИДЕО) Млада двојка објави видео како танцува на улица во Иран – осудени се на 21 година затвор

Пресудата ја донесе Револуционерниот суд во Техеран на чело со Аболкасем Салавати, озлогласен судија познат по тоа што изрекува строги казни за поединци кои се сметаат за закана за Исламската Република

Судот во Иран осуди млад човек и неговата девојка на по 10 и пол години затвор откако објавија видео на социјалните мрежи како танцуваат во близина на плоштадот „Азади“ во Техеран, објави вчера новинската агенција за човекови права (ХРАНА). Сопружниците, кои беа уапсени на 1 ноември минатата година во нивниот дом по објавувањето на видеото, добија и двегодишна забрана за користење интернет и напуштање на земјата, пренесува „Ал Арабија“.

Астијаж Хагиги и Амир-Мохамед Ахмади, и двајцата во раните 20. години, се обвинети за „ширење корупција и порок“, „собирање и договарање со намера да ја поткопаат националната безбедност“ и ангажирање во антирежимска пропаганда. Пресудата ја донесе Револуционерниот суд во Техеран на чело со Аболкасем Салавати, озлогласен судија познат по тоа што изрекува строги казни за поединци кои се сметаат за закана за Исламската Република.

Iran: A 21-y-o couple have been sentenced to 10 years in jail each for dancing at the foot of Tehran’s Azadi (Freedom) Tower, sources close to them tell @nimnia11. Regime is handing out heavy sentences to anyone defying its strict rules. #آستیاژ_حقیقی #امیرمحمد_احمدی #مهسا_امینی pic.twitter.com/F0ahwzJhA1

— Khosro Kalbasi Isfahani (@KhosroKalbasi) January 30, 2023

Активистите на ХРАНА објавија дека на двојката ѝ било одбиено правното застапување во текот на судската постапка повикувајќи се на извор близок до семејството на Хагиги. Иранските власти не го коментираа случајот, а пресудата дојде во време кога владата се обидува да ги задуши повеќемесечните антирежимски протести кои започнаа по смртта на младата Иранка Махса Амини на 16 септември.

Дваесет и двегодишната Амини почина набрзо откако беше уапсена од полицијата за морал во Техеран поради наводно непочитување на строгите правила на режимот за хиџаб. Властите се обидоа насилно да ги задушат протестите, кои брзо прераснаа во повици за соборување на Исламската Република, што резултира со смрт на стотици и апсење на илјадници луѓе.