Претседателот на Сараевското ловечко друштво Муриз Буква за „Кликс.ба“ потврдил дека ја следат мечката и ја упатуваат да се врати од каде што дошла
Екипата за интервенција на Сараевското ловечко друштво се обидува да избрка мечка која утрово шета по улиците во староградската област на Сараево.
Сè е пријавено во полиција и во ловниот клуб, чии членови веднаш излегле на терен. Претседателот на Сараевското ловечко друштво Муриз Буква за „Кликс.ба“ потврдил дека ја следат мечката и ја упатуваат да се врати од каде што дошла.
„Се обидуваме да ја вратиме, а таа веќе се упати кон касарната, односно кон Змајевац, тука сме и работиме, ако треба, ќе ја заспиеме и ќе ја вратиме… Во контакт сме со Факултетот за ветеринарна медицина, ако почне да прави проблеми и да полуди, ќе мора да ја застреламе за да не повреди никого“,
изјавил Буква.
Ловците посочуваат дека луѓето им се заканувале на живеалиштата на мечките со неодговорно однесување и со возење мотоцикли и квадрицикли низ шумите, што го нарушувало животот на животните. Се претпоставува дека мечката се симнала од пашиното брдо преку Седреник кон Вратник.
Извор: 360stepeni.mk
