(ВИДЕО) Какви се тенковите „абрамс“ – едно од најмоќните копнени оружја во американскиот арсенал

January 25, 2023
2 mins read

Американскиот „абрамс“ и германскиот „леопард“ всушност се близнаци, а главната разлика е во моторот, анализира уредникот на списанието „Брејкинг дифенс“

Фото: EPA-EFE/VALDA KALNINA

Најспособните тенкови во светот, но и исклучително сложени за ракување и одржување.

Вака денеска американскиот претседател Џо Бајден ги опиша тенковите „абрамс“ кои САД одлучија да ги испратат како помош за Украина, откако и Германија соопшти дека ќе испрати свои тенови „леопард 2“.

САД ќе испрат 31 тенк, а Бајден рече дека тоа е еквивалент на еден украински баталјон.

Станува збор за тенк кој претставува едно од најмоќните копнени оружја во американскиот арсенал. Способен е да им се доближи на непријателските тенови и други цели, да ги разнесе, а потоа побргу да се повлече. Тешкиот окоп го штити возилото и просторот каде се сместени војниците во него (предвиден за четиричлен екипаж) од отворен оган од мали оружја, од удари од фрагменти од гранати, а може да поминува и низ вода со длабочина од 1,2 метри.

„Основната мисија на тенковскиот вод е да се му се приближи на непријателот и да го уништи“,

пишува во документот од 2019 година наменет за обука за управување со овој тенк од страна на американската армија.

Тенкот името го добил по генералот Крејтон Абрамс, командант на единицата за тенкови од Втората светска војна.

Првиот „абрамс“ бил направен и ставен во служба во 1980 година. Од тогаш неколку пати бил наградуван.

Со текот на годините, Пентагон купил повеќе од 7 000 тенкови во различни конфигурации. „Абрамс“ прв пат бил употребен во акција во Заливската војна (воениот судир помеѓу Ирак и САД и партнерите во Персискиот Залив во 1990). Според извештајот на американската влада од 1992 година, тенкот добил големи пофалби од командантите и екипажите за неговата издржливост наспроти оние од другата страна.

Тенковите ѝ помогнаа на американската војска да ги совлада ирачките сили во Ирак во 2003 година, како и во операции на други места, а беа употребувани и во Авганистан во 2011 година.

Она за што војниците и воените планери изразуваат загриженост во однос на „абрамс“ е неговата огромна потрошувачка на гориво, ограничениот опсег на резервоарите, како и големата логистичка поддршка и одржувањето. На пример, за баталјон од 58 тенкови потребни се десетици возила за поддршка и стотици војници. Ова вклучува оклопни амбулантни возила, командни возила, камиони за одржување и за влечење тенкови, како и камиони кои би носеле гориво, муниција, моторно масло итн.

„Сè што е поврзано со тенк е тешко. Тенковски баталјон може да работи на терен само два или три дена без потреба од засилување од некој логистички баталјон“,

вели Ден Гразиер, поранешен офицер на американската армија.

Затоа, вели тој, не верува дека ќе им се направи услуга на Украинците ако им се дадат само тенкови, а не им се испрати сето она што е потребно од логистичка поддршка.

Иако се многу софистицирано и скапо оружје, „абрамс“ е тежок за одржување и претставува логистички предизвик бидејќи работи и на авионско гориво.

Уредникот на магазинот „Брејкинг дифенс“ Сиднеј Фридберг, вели дека германскиот „леопард“ и американскиот „абрамс“ се всушност близнаци.

„Тие се многу слични. Големи, тешки оклопни возила. Многу подобро заштитени од што било што создал Советскиот сојуз или што Русите имаат во моментов“,

вели Фридберг.

Главната разлика помеѓу двата тенка е моторот. „Леопард“ има мотор кој работи на дизел и е многу полесен за одржување и повеќе се користи во Европа, додека „абрамс“, пак, користи помоќни и покомплексни турбински мотори.

На прес-конференцијата денеска американскиот претседател, пак, вети дека ќе се даде сета потребна опрема за Украинците да може да ги одржуваат тенковите.

„На Украина и ги даваме деловите и опремата неопходни за ефикасно одржување на овие тенкови на бојното поле“,

рече Бајден.

За нивна испорака ќе биде потребно време, како што посочи, но нагласи оти САД ќе се погрижат украинските сили да бидат целосно подготвени да управуваат со тенковите.

Извор: 360stepeni.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

ХЕЦ Св. Петка исклучена, ХЕЦ Козјак на минимум за да се намали нивото на Вардар

Следно

Бугарија ќе ги суспендира сите меѓудржавни проекти со Северна Македонија

Latest from Blog

Шведски метод на чистење: Корисен е за намалување на натрупувањето облека

Методот „шведско чистење“ доби голема популарност благодарение на уметницата Маргарет Магнусон и нејзината идеја за избегнување на акумулација на облека и предмети. Нејзиниот пристап кон чистењето се покажа како универзален, бидејќи функционира

Пецаков: Системска поддршка на младите, Општината партнер на секоја младинска иницијатива

Младите луѓе се носители на идеи и иновации. Затоа, вложувањето во нивниот развој, создавањето услови за нивно активно учество и поддршка на нивните потреби е наша морална и општествена одговорност. Тоа денеска

Ѓорѓиевски со дигитална и еколошки одговорна кампања за модерно Скопје

Кандидатот за градоначалник на Скопје, Орце Ѓорѓиевски, ја претстави својата визија за модерна, иновативна и еколошки одговорна кампања, во која технологијата и одржливоста одат рака под рака. Укажа дека во неговата кампањата

Комерцијална банка, Алкалоид и Макпетрол со најголем дневен промет

Изготвен од Илирика Инвестментс АД Скопје врз основа на официјални податоци од Македонска берза. На трговската сесија од 15 октомври 2025 година, индексот МБИ10 забележа раст од 0,14%, достигнувајќи ниво од 10.359,39

Дејан Продановски најавува бесплатен Wi-Fi и нов Центар за услуги во Прилеп

Кандидатот за градоначалник на Прилеп, Дејан Продановски, денес најави значајни дигитални промени во градот, со цел да се овозможи побрз и полесен пристап до современи услуги за сите граѓани. Заедно со министерот
Go toTop