(ВИДЕО) Гостин во ресторан уби разбојник во Тексас кој држел пластичен пиштол

January 9, 2023
1 min read

Гостинот испукал најмалку девет куршуми кон разбојникот и го напуштил местото пред да пристигне полицијата. Педро Лопез, сопственикот на ресторанот, тврди дека тој и неговите вработени се уште се во шок. Останатите гости на ресторанот исто така го напуштиле местото пред да пристигне полицијата

Полицијата во Тексас започна голема потера по гостин во ресторан во Хјустон кој уби разбојник, а потоа им помогна на другите ограбени да си ги соберат парите. Инцидентот е снимен од надзорните камери во ресторанот Ранчито #4 Такерија во југозападниот дел на Хјустон, а на видеото се гледа како маж извади пиштол и почнал да пука во разбојникот.

Полицијата подоцна открила дека разбојникот влегол во ресторанот со пластичен пиштол. Полицијата преку соопштение за медиумите наведува дека не поднела пријава против човекот кој го убил разбојникот, но нагласуваат дека сакаат да разговараат со него за „неговата улога во пукањето“, пишува Гардијан.

Поручникот Вилкенс рече дека осомничениот за грабеж имал околу 20 години и носел црна ски-маска и црни ракавици за време на грабежот. Откако влегол во ресторанот, разбојникот вперил оружје кон гостите и им ги побарал паричниците и парите. На видеото се гледа како еден од гостите посегнува по нешто, а потоа вади оружје додека осомничениот оди кон излезот.

Гостинот испукал најмалку девет куршуми кон разбојникот и го напуштил местото пред да пристигне полицијата. Педро Лопез, сопственикот на ресторанот, тврди дека тој и неговите вработени се уште се во шок. Останатите гости на ресторанот исто така го напуштиле местото пред да пристигне полицијата.

„Сите го напуштиле ресторанот, освен сопственикот и вработените. Ќе беше одлично да се вратат на местото на настанот и да разговараат со нас или да се јават во одделението за убиства. Треба да ни дадат изјави, особено лицето кое пукаше и се оддалечи“,

додаде Вилкенс.

Законот во Тексас дозволува некој да се брани ако верува дека неговиот живот е во опасност, иако границата помеѓу самоодбрана и употребата на непотребна сила може да биде прилично нејасна.

Томас Никсон, поранешен полицаец во Хјустон, сега адвокат, објасни за КПРЦ ТВ дека гостинот ги има своите права според законите во Тексас.

„Лицето кое го застрела беше во процес на извршување грабеж и затоа неговата употреба на сила во одбрана на себе и на невините трети лица е целосно оправдана. Имал разумен страв од сериозни телесни повреди или смрт“,

рече Никсон.

Извор: 360stepeni.mk

VERO JUMBO MACEDONIA

EVN MACEDONIA

MARKETING

Претходно

Поддржувачите на Болсонаро дивееја со часови, 400 уапсени – се огласи и тој

Следно

Хависто: Нуклеарно оружје нама да биде поставено во Финска

Latest from Blog

Седел четири дена на стол за тетовирање и трпел огромни болки- резултатот ги подели мислењата (ФОТО)

Фотографиите од тетоважата, која стана хит на интернет, привлекоа внимание не само поради нејзиниот исклучителен уметнички квалитет, туку и поради неверојатната издржливост на клиентот, објави Слободна Далмација. „Не знам како го издржа

Ѓорѓиевски: Ова е битка за иднината на Скопје, битка за враќање на надежта и достоинството на сите скопјани

Тука од каде што започна сѐ – дома, во МОЈАТА Кисела Вода и мојот народ! Јас немам зборови за да ви ја искажам мојата благодарност, едноставно се поклонувам пред вас мои сограѓани.

Ѓорѓиевски од Кисела Вода: Време е моделот на успех да го пренесеме на целиот град

Кандидатот за градоначалник на град Скопје, Орце Ѓорѓиевски, вечерва од Кисела Вода — општината каде што, како што рече, „сè започна“ — ја одржа својата прва голема промотивна средба со граѓаните. Пред

Мастантуоно за споредбите со Јамал: “Тој е одличен играч, но јас сум фокусиран на својата игра“!

ФОТО: Real Madrid FC/FB Франко Мастантуоно во целост ги оправдува средствата кои Реал Мадрид ги вложи во него. Младиот Аргентинец не ретко оваа сезона е стартер кај “кралевите“, игра добро, фановите на
Go toTop