Двајцата мажи биле повредени и многу исцрпени, па спасувачите ги однеле во ургентен центар, додека луѓето околу нив аплаудирале на уште едно чудесно спасување
Двајца мажи на возраст од 26 и 34 години биле извлечени живи од рушевините во градот Антакија, по цели 261 час од почетокот на земјотресот.
Екипите стигнале до Мустафа Авџи и Мехмет Али Сакироглу, кои биле затрупани под урнатините на болницата, јавуваат турските медиуми.
Тие биле повредени и многу исцрпени, па спасувачите ги однеле во ургентен центар, додека луѓето околу нив аплаудирале на уште едно чудесно спасување.
Турскиот министер за здравство на Твитер напиша дека Мустафа веднаш по извлекувањето инсистирал да им телефонира на роднините. Спасениот човек по давањето првична медицинска помош во монтажна болница, е пренесен во медицинска установа, напиша Коџа на Твитер.
Hatay’da enkaz altından 261’inci saatte, bu gece kurtarılan Mustafa, tıbbi müdahalenin ardından ilk olarak, telefon numarasını hatırladığı bir yakınını aradı. Kardeşimiz Mustafa’yı bu kadar iyi görmekten çok mutluyuz. pic.twitter.com/t0jrmH0M6r
— Dr. Fahrettin Koca (@drfahrettinkoca) February 16, 2023
Претходно по 260 часа поминати под урнатините беше спасен дванаесетгодишниот Осман Халебије.
Единаесет дена по разорниот земјотрес што ги погоди Турција и Сирија, бројот на загинати е повеќе од 43 000 луѓе. Турските власти соопштија дека најмалку 38 044 луѓе загинаа во земјотресите што ја погодија земјата, додека сириската влада и Обединетите нации соопштија дека во Сирија загинале повеќе од 5 800 луѓе.
Извор: 360stepeni.mk
