Фотографиите и видеото објавени вчера покажуваат како бунтовниците го опкружиле пилотот држејќи копја, лакови и стрели
Минатата недела сепаратистички бунтовници во Индонезија го зеле како заложник новозеландскиот пилот Филип Марк Мертенс. Групата објави фотографии и видео од пилотот за да покаже дека е жив, пишува Скај њуз.
Мертенс беше земен како заложник од Ослободителната војска на Западна Папуа, откако бунтовниците упаднаа во неговиот авион. Пилотот требало да земе 15 градежни работници кои добивале смртни закани додека граделе здравствен центар во областа Ндуга.
Christchurch pilot Phillip Mark Mehrtens was abducted by independence fighters from the West Papua Liberation Army, the armed wing of the Free Papua Movement, who stormed his single-engine plane shortly after it landed on a small runway in Paro.https://t.co/4dpX5jYCDQ
— Brisbane Times (@brisbanetimes) February 15, 2023
„Нашиот план да ги евакуираме работниците ги разбесни бунтовниците и тие решија да го запалат авионот и да го киднапираат пилотот. Кога авионот слета, во него имаше пет лица. Патниците веднаш беа ослободени бидејќи се домородни Папуанци. Но, пилотот од Крајстчерч, вработен во индонезиската компанија ‘Суси ер’, стана заложник на сепаратистичките бунтовници“,
рече началникот на областа Ндуга, Намија Гвијанге.
Фотографиите и видеото објавени вчера покажуваат како бунтовниците го опкружиле пилотот држејќи копја, лакови и стрели.
„Го зедов како заложник за независноста на Папуа, а не за храна или пиење. Тој ќе биде безбеден со мене сè додека Индонезија не го користи своето оружје ниту од воздух ниту од земја“,
вели во видеото водачот на бунтовниците Егианус Когоја додека пилотот стои покрај него.
Од полицијата велат дека се обидуваат да ги вмешаат племенските водачи и луѓе од црквата во ослободувањето на пилотот Мертенс. Индонезискиот министер за политички, безбедносни и правни прашања Мохамад Махфуд ги потврди наводите на полицијата. Тој предупреди дека индонезиската влада не отфрлила други напори за ослободување на пилотот од Нов Зеланд.
Извор: 360stepeni.mk
