Тој доаѓа на чело на ЕСМ по речиси четири години директорување на Ковачевски со оваа државна компанија. Претходно беше директор на Пошта од каде што замина откако оваа функција ѝ припадна на Алијанса за Албанците
Васко Стефанов ќе биде новиот директор на АД „Електрани на Северна Македонија“ (ЕСМ) откако досегашниот директор Васко Ковачевски си поднесе оставка.
Премиерот Димитар Ковачевски денеска најави дека новиот директор ќе го предложи на следната владина седница кога ќе се констатира и оставката на досегашниот директор.
Стефанов претходно бил директор на Водостопанство, а до неодамна беше на чело на Пошта на Северна Македонија. Тој е менаџер по техничка логистика, а пред функциите во државните претпријатија работел во приватниот сектор.
Тој доаѓа на чело на ЕСМ по речиси четири години директорување на Ковачевски со оваа државна компанија.
Од директорското место во Пошта, пак, Стефанов замина бидејќи оваа функција му припадна на новиот партнер во владината коалиција, Алијанса за Албанците. Како што е познато, од партијата за директорка на Пошта ја предложија советничката во Советот на Град Скопје, Бујаре Абази, која на почетокот на мандатот на Данела Арсовска беше и заменик-градоначалничка на Скопје.
ИЗВОР: 360stepeni.mk
