АДИЈАМАН (АА) – Буњамин Идаџи, 35-годишен маж од турскиот град Адијаман, е извлечен жив од урнатините 177 часа по земјотресот, јавува Анадолу.
Во Адијаман, една од десетте турски области што на 6 февруари беа разурнати од силните земјотреси со јачина од 7,6 и 7,7 степени, со епицентар во Кахраманмараш, продолжуваат напорите за потрага и спасување на преживеаните од невидената катастрофа.
Уште едно вистинско чудо се случи во Адијаман, каде 20 турски рудари ги пребаруваат урнатините на осумкатница. Откако слушнале гласови под урнатините, ја интензивирале работата и 177 часа по земјотресот, од урнатините е извлечен 35-годишниот Буњамин Идаџи, кој бил префрлен во болница.
Членовите на тимот за спасување кои го спасија Идаџи не можеа да ги сокријат солзите радосници по успешната операција.
Водачот на тимот на спасувачи, Илхан Чолак, за Анадолу изјави дека веќе пет дена спроведуваат активности за пребарување и спасување и дека овде биле сведоци на голем број чуда.
Тој рече дека едно од тие чуда се случило и денеска.
„Спасивме уште еден живот со делата што ги работиме од утро со нашиот тим. Среќни сме. Не можам да најдам зборови да ја опишам среќата“, рече Чолак.
Извор: www.aa.com.tr
