КИЕВ (АА) – Најмалку 21 лице загинаа, а 48 се повредени во руските воздушни напади врз украинската област Херсон, јавува Анадолу.
„Дваесет и едно лице загинаа, а 48 се ранети. Сите се цивили. Во еден ден. Во еден регион. Мое сочувство до семејствата и пријателите на жртвите“, рече украинскиот претседател Владимир Зеленски.
Тој додаде дека цел на нападот биле железничка станица, куќа, супермаркет и бензинска пумпа.
„Никогаш нема да им простиме на виновниците. Ќе ја победиме злата држава и ќе ги повикаме на одговорност сите виновници“, рече Зеленски.
Во руско-украинската војна, која трае од февруари минатата година, според последните податоци на Обединетите нации, загинале 8.709 цивили, а 14.666 се ранети.
