Лицата што пукаа вечерва во „Шиша бар“ во старата скопска чаршија каде убија две лица, а едно е пренесено во болница избегале со „Ауди 6“ коешто го запалиле на излезот од скопската обиколница, дознава и пренесува „Фокус“.
Според неофицијалните информации, вчеравечер неколку лица со црни униформи дошле во локалот, се претставиле како полиција, се качиле на вториот спрат, во посебна канцеларија кајшто биле убиените и испукале неколку лица.
По двојното убиство, „аудито“ го запалиле на излезот од скопската обиколница и избегале.
На местото на пожарот останала регистерската табличка од аудито, која била фалсификувана.
Според неофицијалните информации кои засега не се потврдени во пукањето се убиени Јетон Кривањева и Енес Исени кои се поврзуваат со криминалната група Дуќанџик.
Кривањева беше дел и од групата која беше цел на вооружен напад во скопскиот хотел Александар Палас во 2019-та година.
ИЗВОР: skopjeinfo.mk
