Уапсен малолетник во Ниш: Се заканувал дека ќе убие повеќе од 30 луѓе

Заканата тој ја објавил на Инстаграм, а по приведувањето судот во Ниш му определил притвор

Полицијата во Ниш уапсила 17-годишник бидејќи на својот Инстаграм профил објавил закана дека во Ниш ќе бидат убиени повеќе од 30 луѓе, јавува „Јужне вести“.

По наредба на Вишото јавно обвинителство во Ниш, полицијата го привела малолетникот под сомнение за кривично дело предизвикување паника и неред.

„Осомничен е дека вчера на својот профил на социјалната мрежа Инстаграм објавил порака во која се заканува дека утре во Ниш ќе бидат убиени повеќе од 30 луѓе“,

велат од српската полиција.

Малолетникот бил изведен пред Вишиот суд во Ниш од каде му определиле притвор.

Ова е само од неколкуте случаи со закани од малолетници за масовни убиства што беа регистрирани во регионот по масакрот во средата кога 13-годишник во основно училиште во Белград уби девет лица (чуварот и осум деца). И во Скопје вчера бил регистриран случај кога дете во основно училиште вперило пластичен пиштол кон други ученици по што во присуство на стручните служби и родителите полицијата изврши разговор со него.

Фото: EPA-EFE/ANDREJ CUKIC

*Поврзани вести:

• Ученик во основно школо во Скопје вперил пластичен пиштол кон други ученици
• Ученик во Србија донел пластичен пиштол на училиште и го вперил кон учениците
• Девојче од Србија заврши во полиција: Се исмевало со масакрот во училиштето и го величала убиецот