Турските власти информираа дека е прекината потрагата по преживеани и жртви од земјотресот и дека тимови за уривање почнале да го расчистуваат теренот погоден од катастрофалниот земјотрес.
Околу 105 794 објекти, кои беа проверени од турското Министерство за животна средина и урбанизам, се или уништени или толку оштетени што е неопходно да се урнат.
Во т.н зони на земјотресот поставени се речиси 250 000 шатори и повеќе од 6 000 контејнери како привремени живеалишта.
Според последните податоци, најмалку 40 689 луѓе загинаа во двата силни земјотреси што ја потресоа јужна Турција пред две седмици.
Извор: 360stepeni.mk
