АНКАРА (АА) – Турската платформа за воени возила 8X8, развиена во рамките на турската одбранбена индустрија, којашто претставува сигурно решение за мобилни системи за тешко оружје, го имаше своето деби во странство, јавува Анадолу.
БМЏ, еден од водечките турски производители на комерцијални и воени возила, ги прикажува своите воени возила во Париз на Евросатори 2024, најголемиот европски и водечки саем во одбранбената индустрија во светот, кој се одржува на секои две години. Евросатори 2024 се одржува од 17 до 21 јуни.
БМЏ, компанија која го зазеде своето место на саемот како шампион во извоз на копнени возила на турската одбранбена индустрија, го претстави својот КИПРИ II, надградена верзија на возилото заштитено од мини КИПРИ опремено со независна амортизација и најнова технологија; АЛТУГ 8×8, кој нуди можност за извршување повеќе задачи на една платформа со својот модуларен концепт, АМАЗОН 4X4 со неговиот обновен дизајн и висока способност за маневрирање, и воени возила 8X8 кои се истакнуваат со своите моќни мотори и голема влечна сила.
БМЏ Пауер, кој развива енергетски групи во рамките на БМЏ, го зазеде своето место на саемот со моторот со 400 коњски сили ТУНА, развиен од турски инженери, поморскиот мотор ЛЕВЕНД со 600 коњски сили дизајниран за морски возила и УТКУ со 1.000 коњски сили.
Платформата за воени возила 8X8 развиена од БМЏ и користена во системот за хаубици АРПАН-155 беше претставена во странство за прв пат на Евросатори.
Платформата, која има кабина со висока балистичка заштита и кабинети за муниција, достигнува високи перформанси на влечење и брзина од 80 километри на час со мотор од 675 коњски сили.
Нудејќи мобилност на оружјето од 1.228 милиметри нагоре и 302 милиметри странично, платформата на возилото може да работи на 60 отсто вертикален и 30 отсто страничен наклон со својот влечен систем 8X8.
Со овие можности на мобилност, платформата, која има капацитет да носи 24 патрони муниција, нуди можност за подготовка за гаѓање или менување на позиција за две минути.
Со своите можности за дизајн и развој на модуларната структура на платформата за воени возила 8X8, БМЏ ќе може да произведува возила потребни за скоро развиеното оружје и ракетни системи во турската одбранбена индустрија.
Во меѓувреме, Рокетсан, уште еден од водечките производители на оружје во Туркије, исто така ги изложи своите најсовремени производи на саемот.
На својот штанд на Евросатори 2024, Рокетсан ги претстави MAM-C, MAM-L IIR и MAM-T IIR од семејството Смарт Микро Мјунишн; комплетот за водење ТЕБЕР и комплетот ЛАЧИН од прецизно водени системи; противтенковските оружја со краток дострел КАРАОК, противтенковското оружје со среден дострел ОМТАС и противтенковските проектили со долг дострел УМТАС-ГМ од противтенковските системи; Ракетниот систем за противвоздушна одбрана СУНЃУР, проектили за противвоздушна одбрана ХИСАР-О со средна височина, ракети ТРЛГ-122 и ТРЛГ-230 и крстосувачкиот проектил ЧАКИР.
– „Нашите производи продолжуваат да влегуваат во инвентарот на многу земји“ –
Мурат Икинџи, генералниот директор на Рокетсан, рече дека тие се натпреваруваат со водечките светски компании со зголемени бројки за извозот. Икинџи истакна дека имаат за цел да одржат значајни средби за време на саемот.
Привлекувајќи внимание на растечката позиција на Туркије во одбранбената индустрија, Икинџи додаде: „Нашите најсовремени производи, кои ги развивме во согласност со стандардите на НАТО, продолжуваат да влегуваат во инвентарот на многу земји. Голем дел од нашата на терен докажана муниција, која ја произведуваме со нашата пионерска технологија, ги надминува своите конкуренти со своите супериорни перформанси.“
„Евросатори 2024 ни нуди можност повеќе да ги промовираме нашите производи, особено во европските земји. Во оваа смисла, веруваме дека ќе се вратиме со нова соработка од саемот на кој присуствуваат носители на одлуки од различни делови на светот, особено од европските земји.“
Извор: Anadolu Agency (AA)
