АНКАРА (АА) – Министерот за енергетика и природни ресурси на Туркије, Алпарслан Бајрактар, објави дека Туркије од вчера повторно почна да извезува електрична енергија во Ирак, известува Анадолу.
Во писменото соопштение на турското Министерство се истакнува дека Бајрактар, кој го придружуваше претседателот Реџеп Таип Ердоган во посетата на Ирак на 22 април, во рамките на средбите во Багдад и Ербил разговарал за можна соработка.
Во соопштението, во кое се посочува дека двете земји по 3 месеци од посетата направиле нов чекор на полето на енергетиката, се истакнува дека по 3 години пауза започнал извозот на струја во Ирак, при што преку постоечката 400 kV интерконективна линија Џизре – Кашек меѓу Туркије и Ирак ќе се обезбедат до 300 мегавати струја за Ирак.
Министерот Бајрактар во својата објава на профилот на социјалната мрежа Х напиша:
„Благодарение на проектот ‘Пат за развој’, од вчера повторно почнавме со извозот на електрична енергија за нашиот сосед Ирак, со кој заедно ќе придонесеме за просперитетот и мирот на нашиот регион. Со инвестициите што ќе ги направиме, ‘Патот за развој’ истовремено ќе го изградиме и како ‘Пат на енергија’.“
Извор: Anadolu Agency (AA)
