Цените на нафтата паѓаат три недели по ред

May 8, 2023
1 min read

Цената на барелот на лондонскиот пазар минатата недела падна за 5,3 отсто, на 75,30 долари, додека на американскиот пазар цената на барелот падна за 7,1 отсто, на 71,34 долари

На светските пазари минатата недела цените на нафтата паднаа, трет пат по ред, а во еден момент паднаа на најниските нивоа за една и пол година, бидејќи централните банки дополнително ги зголемија каматните стапки, што ќе го забави растот на економиите и побарувачката за „црното злато“.

Цената на барелот на лондонскиот пазар минатата недела падна за 5,3 отсто, на 75,30 долари, додека на американскиот пазар цената на барелот падна за 7,1 отсто, на 71,34 долари. Тоа е трета недела по ред како цените паѓаат, што е незабележано од ноември минатата година, кога во еден момент паднаа на најниските нивоа од крајот на 2001 година.

Ова е резултат на загриженоста на трговците за побарувачката, имајќи предвид дека минатата недела американската и европската централна банка повторно ги зголемија каматните стапки за 0,25 процентни поени. Со ваквото заострување на монетарната политика, кое трае од почетокот на минатата година, централните банки се обидуваат да ја потиснат инфлацијата, што значи забавување на растот на побарувачката и економијата.

А тоа пак значи слабеење на побарувачката на нафта. Загриженоста за побарувачката е последица и на кризата на неколку регионални американски банки, чијшто колапс би имал негативно влијание врз најголемата светска економија.

Трговците се надеваа дека закрепнувањето на кинеската економија, по укинувањето на рестриктивните мерки за ковид, ќе ја поттикне побарувачката за нафта. Сепак, ова беше постигнато само делумно бидејќи закрепнувањето не беше толку силно како што се очекуваше.

Пазарот е поддржан од шпекулациите за можно дополнително намалување на производството од страна на Организацијата на земјите извознички на нафта (ОПЕК) и нејзините сојузници со цел да се балансира пазарот и да се поддржат цените. По падот три недели по ред, цените на нафтата се во значителен дефицит од почетокот на годината. Во однос на почетокот на годината, цената на барелот на лондонскиот пазар падна за околу 12 отсто, а на американскиот за околу 11 отсто.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Пјер- Емерик Обамејанг најави во кој клуб ќе се пресели

Следно

(ВИДЕО) Ердоган на предизборен митинг во Истанбул: Ќе ги закопаме оние што се про-ЛГБТ во гласачките кутии

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop