Тошковски оствари средба со Нешиќ: Одличната соработка меѓу двете министерства дава одлични резултати за безбедноста на нашите граѓани

December 4, 2024
1 min read

Денеска министерот за внатрешни работи Панче Тошковски оствари работна средба со делегацијата на Министерството за безбедност на Босна и Херцеговина, предводена од министерот за безбедност, Ненад Нешиќ. Фокусот на средбата беше ставен на продлабочување на меѓусебната соработка и унапредување на пријателските односи меѓу македонското министерство за внатрешни работи и босанското министерство за безбедност.

„Разговаравме за сите прашања кои се во интерес на двете држави во насока на оној пат кој ни претстои во правење на сите потребни реформи со цел доближување кон европското семејство. Тоа е наш единствен пат којшто треба да го изодиме заедно во иднина. Заедничката соработка е на одлично ниво и постојано работиме на нејзино унапредување. Соработка на самите полиции е тековна и одлична која дава резултати. Како наша иницијатива го разгледавме прашањето на создавање на Регионална асоцијација на центри за обука која треба да ги обедини сите центри за обуки на регионалните полиции и заеднички да напредуваме и да ја унапредуваме професионалноста на полициите во регионот.“, потенцираше министерот Тошковски.

Министерот Тошковски уште еднаш се заблагодари на излегувањето во пресрет на Босна и Херцеговина која во периодот на менувањето на личните карти и пасоши дозволи граѓаните кои имаат валидна лична карта и пасош да може да транзитираат низ нејзината територија што е всушност уште еден доказ на добрата соработка на двете министерства и двете полиции во насока на олеснување на животите на своите граѓани.

Министерот за безбедност на Босна и Херцеговина, Ненад Нешиќ  изрази задоволството што Босна и Херцеговина и Република Северна Македонија немаат отворени прашања, одлично соработуваат како две пријателски земји и тоа и во иднина ќе го негуваат.

„Денес разговаравме за сите проблеми за безбедноста и на двете држави како нелегалната миграција, трговијата со луѓе, криминалот и корупцијата и се она што ги загрозува граѓаните на двете земји. Двете министерства, двете полиции работат за сузбивање на криминалот и криминалците без разлика во која држава се наоѓаат и интензивната заедничка соработка досега дава одлични резултати.“, нагласи министерот Нешиќ.

Двајцата министри се сложија дека унапредувањето на соработката ќе продолжи и во следниот период и на посетата на министерот Тошковски на министерството за внатрешни работи на БиХ која ќе се случи во првата половина на следната година ќе биде потпишан протокол помеѓу двете министерства за соработка во областа на форензичките испитувања и вештачења, со цел размена на професионални искуства во воспоставувањето и функционирањето на различни сегменти на форензички активности, пружање поддршка во унапредувањето на методите на работа, едукација на кадри и научни истражувања.

ИЗВОР: ТВ 21

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Тошковски – Нешиќ: Македонија и БиХ се исто така погодени од миграцијата, иако мигрантите не сакаат да останат кај нас

Следно

Одговорност за наставничка што ја организирала приредбата со пушки и униформи во ОУ „7 Март“ во Челопек

Latest from Blog

Коњановски: Во 2027 година се планира пуштање делница од 12 километри на автопатот Прилеп–Битола

Делница од 12 километри од автопатот Прилеп–Битола е планирано да биде пуштена во сообраќај во 2027 година, а до крајот на 2028 година да бидат асфалтирани вкупно 28 километри. Ова било најавено

Проданоски: Потенцијалот на младите да го претвориме во дела за Прилеп

Повеќе од 200 млади од Прилеп учествуваа во симулација на Европскиот парламент, преку која се запознаа со функционирањето на европските институции, носењето одлуки и значењето на демократската дебата. Градоначалникот Дејан Проданоски ја

Божиновска: Македонија е дел од трансатлантскиот дијалог за енергетска безбедност

Министерката за енергетика, рударство и минерални суровини, Сања Божиновска, на 18 и 19 ноември ќе учествува на Седмиот состанок на Партнерството за трансатлантска енергетска соработка (P-TEC) во Варшава, Полска, организиран во соработка

Коњановски: Гласот на младите треба да се преточи во конкретни локални решенија

Триесет средношколци од Битола развија проектни предлози за решавање проблеми во својата заедница, во рамките на проектот ЛАПСИ – Локални активни платформи за социјални иновации. На денешната работилница тие ги финализираа идеите

Општина Прилеп: Втор повик за поддршка на семејствата со првачиња во учебната 2026/2027 година

Општина Прилеп објави втор јавен повик за доделување еднократна парична помош на семејствата со деца запишани во прво одделение во учебната 2026/2027 година. Повикот е наменет за родителите кои не аплицирале во
Go toTop