Тешка борба за Соледар: „Градот веќе ја исполни својата главна улога“

January 13, 2023
3 mins read

Руската ултранационалистичка паравоена група „Вагнер“, предводена од сојузник на претседателот Владимир Путин, тврдеше дека го освоила Соледар по интензивните борби што го оставија градот преполн со мртви Украинци. Москва, сепак, допрва треба официјално да ја објави победата во Соледар, што ќе беше нејзина прва голема победа во последните шест месеци

Украина објави дека нејзините војници им се спротивставуваат на руските сили во Соледар, на истокот на земјата, додека повеќе од 500 цивили, меѓу кои и деца, сè уште се во градот.

Во видеообраќањето во четвртокот, украинскиот претседател Володимир Зеленски им се заблагодари на двете единици во Соледар, за кои рече дека ги држат своите позиции и му нанесуваат значителни загуби на непријателот. Тој не соопшти повеќе детали.

Зеленски рече дека разговарал со високите украински команданти за потребата од засилување на војниците во Соледар и околните градови во источната индустриска област позната како Донбас, како и за следните чекори во наредните денови.

Руската ултранационалистичка паравоена група „Вагнер“, предводена од сојузник на претседателот Владимир Путин, тврдеше дека го освоила Соледар по интензивните борби што го оставија градот преполн со мртви Украинци. Москва, сепак, допрва треба официјално да ја објави победата во Соледар, што ќе беше нејзина прва голема победа во последните шест месеци.

„Во моментов има уште некои мали џебови на отпор во Соледар“,

рече Андреј Баевски, руски локален политичар, во емисија која се пренесува на интернет.

Гувернерот на Донецк, Павло Кириленко, изјави за украинската државна телевизија дека 559 цивили останале во Соледар, меѓу кои 15 деца, и дека не може да се евакуираат од градот кој пред војната имаше околу 10 000 жители.

Снимката со дрон од медицинската евакуација на украинските војници од Соледар, до која дојде Ројтерс, покажува напуштени улици со само неколку уништени згради кои стојат меѓу разнесените дрвја и урнатините. Еден 24-годишен украински војник стациониран надвор од Соледар рече:

„Ситуацијата е тешка, но стабилна. Ние го задржуваме непријателот… возвраќаме“.

Американските власти го доведуваат во прашање значењето на руската победа кај Соледар, дури и ако е вистина. Соледар се наоѓа на помалку од 10 километри североисточно од градот Бахмут, каде што борбите беснееја со месеци во една од најкрвавите битки во војната.

„Дури и Бахмут и Соледар да паднат во руски раце, тоа нема да има стратегиско влијание врз самата војна. Тоа сигурно нема да ги запре Украинците или да ги забави“,

изјави за новинарите во Белата куќа портпаролот на Советот за национална безбедност на САД, Џон Кирби.

Намален притисок врз Бахмут

Украинскиот аналитичар Олександр Коваленко рече дека битката за Соледар го намали притисокот врз стратегиски поважниот град Бахмут.

„Соледар веќе ја исполни својата главна улога – привлече голема количина руски ресурси што беа уништени таму“,

рече тој на медиумската страница nv.ua.

Коваленко рече дека рудниците за сол лоцирани во Соледар може да се покажат профитабилни за Русија доколку нејзините сили успеат да го освојат градот. Тој рече дека украинските сили го контролираат југозападниот дел и центарот на Соледар, но предупреди дека одржувањето на оваа контрола доаѓа по цена на човечки животи.

Московската инвазија на Украина во февруари, најголемата копнена војна во Европа од Втората светска војна, резултираше со повеќе од 50 000 извештаи за наводни воени злосторства, рече главниот украински обвинител за воени злосторства Јуриј Белоусов.

Москва вели дека спроведува „специјална воена операција“ во Украина за да ја заштити безбедноста на Русија и негира дека извршила воени злосторства или дека целела на цивили. Москва, пак, ја обвинува Украина за воени злосторства, а Западот дека ги игнорира.

Обединетите нации објавија во ноември дека пронашле докази дека двете страни мачеле воени заробеници.

Низ Украина, борбените линии едвај се поместија од последното големо повлекување на Русија на југот пред два месеци. Киев се надева дека тешкото оклопно оружје на неговите западни сојузници ќе му овозможи да продолжи со напредувањето.

Западните земји почнаа да му нудат на Киев напредно оружје како што е софистицираниот американски ракетен систем Патриот. Соединетите држави, Германија и Франција минатата недела ветија дека ќе купат оклопни борбени возила, а најновите барања на Украина се за борбени тенкови.

Полскиот претседател Анджеј Дуда и вети на Украина 14 борбени тенкови Леопард од германско производство. Зеленски изјави за полската државна телевизија ТВП Инфо дека ова може да го отвори патот за другите земји да го сторат истото. И Британија размислува да испрати тенкови.

Извор: 360stepeni.mk

VERO JUMBO MACEDONIA

EVN MACEDONIA

MARKETING

Претходно

Скопјанка касната од куче во Ѓорче Петров

Следно

Укината железничката линија Скопје-Табановце

Latest from Blog

Џони Деп ги зачуди сите- ѝ прави друштво на Брижит Макрон на Модната недела во Париз (ВИДЕО)

Деп, 62, моментално ужива во помирен живот по турбулентните пет години исполнети со правни битки со неговата поранешна сопруга Амбер Херд. На ревијата во Париз, актерот изгледаше беспрекорно: носеше сив сако преку

Претседателот на Ла Лига ги прозва Сити и ПСЖ: Тоа не е нормално, ниту фер – тоа е измама!

Претседателот на Ла Лига, Хавиер Тебас, повторно ги нападна најголемите клубови во европскиот фудбал, обвинувајќи ги за неодржливи деловни практики и манипулирање со правилата. Овој пат, неговиот фокус беше на Манчестер Сити

Коцев: Зрновци – Општина на развој, хуманизација и квалитетен живот

Општина на развој, хуманизација и квалитетен живот најавува кандидатот за градоначалник на Општина Зрновци од ВМРО-ДПМНЕ, Борчо Коцев. На денешниот митин тој истакна дека четири годишната програма е сеопфатна со проекти во образованието,

Канаваро има нов ангажман, ќе биде селектор на Узбекистан

Италијанската фудбалска легенда, Фабио Канаваро ќе биде следниот селектор на репрезентацијата на Узбекистан. Стратегот последно беше на клупата на Динамо Загреб, но таму не се задржа премногу. Овојпат, тој има начелен договор,
Go toTop