Најмалку петмина луѓе загинаа во автобуска несреќа кај Лајпциг, а има и доста повредени. Автобус на компанијата „Фликсбус“ свртел надесно на прометен автопат пред да се преврти на бок.
Автобусот сообраќал на релација Берлин-Цирих, а во него се наоѓале 53 патници и двајца возачи. Автопатот е затворен во двата правци.
„Точните околности на несреќата засега не се познати“, кажаа од „Фликсбус“, која организира автобуски превоз низ Европа и пошироко.Голем број амбулантни возила се на местото на несреќата, а на локалните болници им било кажано да се подготват за итна ситуација.
„Во несреќата загинаа пет лица“, потврди портпаролот на полицијата, Олаф Хоуп, за германски „Билд“, а идентитетот на жртвите не е откриен.
Извор: 24vesti.mk
