Татко и ќерка спасени од урнатините 32 часа по земјотресите во Туркије

February 7, 2023
1 min read

ЕЛАЗИГ (АА) – Спасувачките екипи успеале да спасат уште 4 лица, вклучувајќи татко и ќерка од урнатините на зграда во Малатја, 32 часа по разорните земјотреси што вчера ги потресоа јужните делови на Туркије, јавува Анадолу.

Бројни спасувачки екипи продолжуваат со акциите за претрага и спасување со цел да ги пронајдат луѓето кои останале заглавени под урнатините по разорниот земјотрес.

Противпожарната екипа што пристигна од Елазиг денес од урнатините на една зграда успеа да спаси 4 лица, меѓу кои се татко, неговата тригодишна ќерка и 16-годишниот син од неговиот брат.

Сите четири лица се префрлени во болница.

Според најновите информации, 3.549 лица загинаа, а најмалку 22.168 се повредени во земјотресите што вчера ги потресоа јужните делови на Туркије. Од урнатините на зградите се спасени над 8.000 лица.

– Разорни земјотреси што вчера ја потресоа Туркије 

Два силни земјотреси, првиот со интензитет од 7,7 степени по Рихтер вчера наутро во 4:17 часот по локално време со епицентар во округот Пазарџик и вториот во 13:24 часот, со интензитет од 7,6 степени по Рихтер со епицентар во местото Елбистан, ги потресоа јужните делови на Туркије. Епицентрите на земјотресите се регистрирани во турската област Кахраманмараш.

И турските области Газиантеп, Шанлиурфа, Дијарбакир, Адана, Адијаман, Малатја, Османие, Хатај и Килис се тешко погодени од земјотресите. Во текот на денот имаше и голем број последователни потреси со помал интензитет.

Земјотресите се почувствуваа и во соседна Сирија, но и во Ирак, Либан, Египет и други региони.

Туркије прогласи седумдневна жалост поради разорните земјотреси што ја потресоа земјата.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS).

Извор: www.aa.com.tr

VERO JUMBO MACEDONIA

EVN MACEDONIA

AUTO SHKOLLA BEKO

MATINA DENTAL CLINIC

Претходно

(ВИДЕО) Како напредна дивоградбата близу Старата скопска чаршија

Следно

Зеленски му изрази сочувство на Ердоган поради разорниот земјотрес

Latest from Blog

Серија предомислувања во СДСМ: Спасовски пишман-координатор, Филипче пишман-црвенолинијаш

Оливер Спасовски останува координатор на пратеничката група на СДСМ во Собранието, рече денеска на прес-конференција претседателот на партијата Венко Филипче. Тој одговори на новинарско прашање во врска со неодамнешната изјава на Спасовски

Тажни вести: Згаснува легендарен клуб!

Шокантни и тажни вести од Португалија. Клуб кој некогаш бил шампион на оваа земја, играл и во Лигата на Шампионите, згаснува. Тој е на работ на затворање откако минатата сезона испадна од

Зеленски: Реално е да се финализираат чекорите за достоинствен крај на војната

Претседателот на Украина, Володимир Зеленски, денес изјави дека благодарение на активната дипломатија, сосема е реално во наредните денови да бидат финализирани чекорите за да се утврди како да се „заврши војната со

Заменик-претседателот на Владата Арбен Фетаи во официјална посета на САД

Заменик-претседателот на Владата задолжен за политики на добро владеење, г. Арбен Фетаи, започна повеќедневна официјална посета на Њујорк и Вашингтон, Соединетите Американски Држави. За време на престојот, г. Фетаи ќе оствари средби
Go toTop