АНКАРА (АА) – Лидерите на Катар, Унгарија, Сомалија и Пакистан беа меѓу првите шефови на држави и влади што му честитаа на турскиот претседател Реџеп Таип Ердоган, кој води во вториот круг од претседателските избори, јавува Анадолу.
„Драг мој брат, ти честитам на победата и ти посакувам успех во новиот мандат и во него да го постигнеш она кон што братскиот турски народ се стреми во насока на напредок и просперитет“, рече катарскиот емир шеик Тамим бин Хамад Ал Тани на Твитер.
Унгарскиот премиер Виктор Орбан му честита на претседателот Ердоган за, како што рече, неговата несомнена изборна победа.
„Честитки братска и пријателска Туркије“, се вели во Твитер-објавата на канцеларијата на сомалискиот претседател Хасан Шеик Мохамуд.
Во својата честитка пакистанскиот премиер Шехбаз Шариф го опиша Ердоган како „еден од ретките светски лидери чија политика е закотвена во јавната служба“.
Ердоган води со 53,41 отсто од гласовите, додека опозицискиот кандидат Киличдароглу има 46,59 отсто од пребројани 75,42 отсто гласови, изјави Ахмет Јенер, претседателот на Врховната изборна комисија на Туркије (ЈСК).
Извор: www.aa.com.tr
