Денес, на 1 декември се одбележува Светскиот ден на свесноста за СИДА, ХИВ-инфекцијата е сè уште актуелен здравствен и социјален проблем. Во Македонија 687 луѓе живеат со ХИВ вирусот, од кои 51 лице е евидентирано годинава.
Од нив 48 се мажи и 3 жени. Пет лица починале од СИДА оваа година. Најголемиот дел од потврдените случаи на ХИВ се млади мажи на возраст од 20 до 39 години.
Надлежните сметаат дека голем дел од луѓето не ни знаат дека се заразени.
Во предлог буџетот за наредната година предвидени се само 90 милиони денари за лекување на пациентите со ХИВ-инфекција, а потребни се 130 милиони денари, 109 за терапија и 21 за превенција, објаснуваат од здружението „Заедно посилни“.
ИЗВОР: ТВ 21
