Дел од тимот на Support Kocani беше денеска во студото на ТВ21 во емисијата „Дејли Клик“ на ТВ21.
Дарио Трифунов, Мартин Розин Сопков, Љубомир Игнатов, Бојан Манасиев беа соговорници на модераторот Јовица Пауноски, кои беа кобната ноќ во дискотеката „Пулс“ и успеаја да се спасат.
Тие ги искажаа своите сведоштва вечерта за време на трагедијата.
„Животот во Кочани ќе се дели до трагедијата, и после трагедијата. Добри емоции не може да имаме, и сега на некој начин имаме микс чувство, за едни кои се враќаат дома и закрепнуваат се радуваш, за други кои ги загубија животите тагуваш. Ќе ни остави белег, мислам дека секој кој го почувствувал тој хаос, ќе се соочи со тоа до крајот на живот, нема никогаш да биде заборавени“, рече Игнатов.
„Јас, Бојан и Дарио бевме заедно на иста маса, со повреди не се здобивме, но целата помош наша беше за транспортот на повредените лица, ние дадовме се што можеме, Љубомир имаше малку повреда“, изјави Розин Сопков.
Љубомир Игнатов рече дека бил заглавен во стампедо, и дека некој успеал да го спаси, но и натаму не знам кој успеал да го извлече од таа гужба.
„Имав изореница само на лицето, внатрешниот систем респираторен ми беше чист, бев заглавен во стампедо. Во еден момент изгубив свест, некој ме извлече, сакам да знам кој, не сум свесен кој ме извлече. Ми требаше мал период после оваа трагедија да се вратм во нормала, но како што реков оваа трагедија ќе остави белег до крајот на животот“, изјави Игнатов.
Бојан Манасиев рече дека имал среќа што бил на влезот од дискотеката, па успеал брзо да излезе, и да биде без повреди.
„Бевме сите заедно на влезот, и имавме голема среќа да излеземе без повреди. Чувствуваме и ќе чувствуваме тага за починатите, сето тоа се млади живот кои не требаше така да згаснат“, рече Манасиев.
ИЗВОР: ТВ 21
