Трамп се изјасни за невин по 34 точки од обвинението за фалсификување деловни документи. Поранешниот претседател молчеше на рочиштето, а судијата разговараше само со неговите двајца адвокати
Судењето на поранешниот американски претседател Доналд Трамп под обвинение дека фалсификувал деловни информации за да ги прикрие парите платени за замолчување на порно ѕвездата Сторми Даниелс ќе започне на 25 март следната година, одлучи вчера судијата Хуан Мерчан пред судот на Менхетен. За време на сослушувањето, поранешниот американски претседател се појави преку видео врска од Флорида.
Трамп се изјасни за невин по 34 точки од обвинението за фалсификување деловни документи. Поранешниот претседател молчеше на рочиштето, а судијата разговараше само со неговите двајца адвокати. Според извештаите на американските медиуми, Трамп неволно ги кренал рацете кога бил објавен датумот на судењето, бидејќи судењето ќе започне точно на време за партиските прелиминарни избори следната година.
Мерчан помина голем дел од 15-минутното сослушување прегледувајќи ја наредбата издадена на 8 мај, која ги поставува основните правила за однесувањето на Трамп во врска со судењето. Тој го извести Трамп за ограничувањата јавно да презентира одредени докази што ги предале обвинителите.
Трамп може да зборува за случајот и да се брани, рече тој, но не може да ги користи доказите за да напаѓа сведоци или да објавува чувствителни документи на социјалните мрежи. Доколку ја прекрши наредбата, се соочува со кривична пријава за непочитување на судот.
Обвинителите рекоа дека е потребен таков налог поради историјата на нападите на Трамп на социјалните мрежи и ризикот дека сведоците би можеле да бидат малтретирани.
Извор: 360stepeni.mk
