Како Претседател на собраниската Комисија за економски прашања, труд и енергетика остварив средба со г-дин Масимилиано Паолучи, директор на Канцеларијата на Светската банка во Република Македонија, информира пратеникот од редовите на ВМРО-ДПМНЕ, Бојан Стојаноски.
-Директорот Паолучи ме информираше за извештајот “Business ready” кој е изработен од Светската банка, а кој ја анализира состојбата и условите за водење на бизнис во Република Македонија.
Воедно ме запозна со тековните активности на Канцеларијата како и идните активности кои планираат да ги имплементираат.
Парламентарното мнозинство ќе остане партнер со сите меѓународни и домашни институции кои работат и помагаат во подобрување на условите за економски раст и развој, потенцира Стојаноски.
ИЗВОР: kurir.mk
