Стано: Одлуката на Косово за укинување на Управувачкиот тим за ЗСО го нарушува духот на договорот за дијалог

May 4, 2023
1 min read

Стано рече дека посредниците во дијалогот ќе ги поканат главните преговарачи да започнат преговори, а доколку има потреба ќе биде поканет и Управувачкиот тим да учествува во процесот

Одлуката на Косово да го распушти Управувачкиот тим кој го подготви Статутот на Заедницата на српски општини (ЗСО), го крши словото и духот на договорот за дијалог. Секоја одлука во врска со тимот мора да биде одобрена во рамките на дијалогот меѓу Белград и Приштина, со посредство на Европската Унија, изјави портпаролот на Унијата, Петар Стано, јавува дописникот на МИА од Белград.

Стано нагласи дека според договорите постигнати за дијалогот, јасно е дека Управувачкиот тим мора да функционира до донесување на статутот на ЗСО.

Тој потсети дека првиот нацрт беше претставен од страна на овој тим на 2 мај за време на разговорите на високо ниво, со кои беше започнат преговарачкиот процес.

Стано рече дека посредниците во дијалогот ќе ги поканат главните преговарачи да започнат преговори, а доколку има потреба, ќе биде поканет и Управувачкиот тим да учествува во процесот.

„ЕУ како посредник ќе ги покани главните преговарачи и нивните експерти во Брисел за да започнат преговори за повелбата. Очекуваме двете страни да се вклучат во процесот конструктивно и со добра волја и брзо да ги завршат преговорите. На 2 мај, високиот претставник на ЕУ за надворешна политика и безбедност, Жозеп Борел, им рече на двете страни дека Управувачкиот тим ќе биде поканет да учествува во процесот доколку е потребно, што ќе го утврди модераторот на ЕУ“,

рече Стано.

Претходно директорот на Канцеларијата за Косово, Петар Петковиќ, изјави дека „Косово со премиерот Албин Курти донесе еднострана и незаконска одлука за распуштање на Управувачкиот тим кој го подготви нацртот на Статутот на ЗСО и го претстави во вторник во Брисел, на што немаат право ниту Курти ниту неговиот министер за локална самоуправа“.

Српскиот претседател Александар Вучиќ и косовскиот премиер Албин Курти завчера во Брисел седнаа на заедничка маса. Средбата се одржа со посредство на Европската Унија. На неа, беше усвоена Декларацијата за исчезнатите лица. За ЗСО не беше постигнат договор. Имено, Курти оцени дека презентираниот нацрт статут на Заедницата на општините со српско мнозинство (ЗСО) на Косово ја претставува желбата на Србија да формира една Република Српска на Косово.

Вучиќ изјави дека имал тешки средби во Брисел и дека е многу загрижен бидејќи за клучното прашање за формирањето на ЗСО, Приштина не сака да ја исполни својата обврска од пред 10 години.

„Го знаев тоа, но денеска првпат удривме во ѕид и беше јасно од моментот кога беше воведен Нацртот и начинот на кој се обидоа да ги понижат двете жени кои го направија тоа, до нивната реакција потоа, дека тоа е неприфатливо од нив“,

изјави Вучиќ и додаде дека од Приштина велат дека тоа не е во согласност со косовскиот устав.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Украина: 21 лице загинаа во руските напади во Херсон

Следно

В недела во Ѓорче Петров ќе се вози велосипедска крос-кантри трка

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop