Пред Ургентниот центар во Белград, пак, сликите се потресни. Насобрани роднини на ранетите очекуваат да дознаат информации за состојбата
Министерот за внатрешни работи на Србија, Братислав Гашиќ, вечерашното пукање кај Младеновац го оцени како терористички акт, пренесуваат српските медиуми.
Дел од медиумите јавија и дека тој е на терен со полицијата и ја следи ситуацијата и интензитетот на потрагата по осомничениот напаѓач.
Во пукањето кај селото Дубона, кај Младеновац, убиени се најмалку осум лица. Дел од медиумите јавуваат и дека оваа бројка се искачила на 10. Најмалку 13, пак, се ранети.
Осомничен е 21-годишниот Урош Б. кој е во бегство. Во недостиг на официјални информации, српските медиумите наведуваат дека тој продолжил со пукањето и додека бегал од полицијата. Неофицијално пукал на најмалку три локации од кои едната и кај Мало Орашје, во близина на Смедерево.
Повеќе медиуми објавија и дека тој се наоѓа во селото Шепшин кое е под опсада на полицијата. Тој преговара со полицајците, но не сака да се предаде. Стравувањата, како што јави Н1 ТВ, се дека може да држи и заложници.
Пред Ургентниот центар во Белград, пак, сликите се потресни. Насобрани роднини на ранетите очекуваат да дознаат информации за состојбата на пациентите.
Во акцијата се вклучени сите специјални единици на српското МВР, ангажирани се и хеликоптери и дронови, а на терен се и бројни медицински екипи.
Извор: 360stepeni.mk
