Српската полиција ги уапсила и дедото и вујкото на напаѓачот од Младеновац

Полицијата ги привела бидејќи, како што јавува Нова ТВ, се сомнева дека осомничениот 21-годишник по злосторството се криел во нивниот дом. Телевизијата претходно објави неофицијални информации, според кои, откако осомничениот го извршил злосторството побарал засолниште во куќата на своите роднини во селото Вињиште

Медиумите јавуваат дека полицијата извршила претрес во куќата во која наводно се криел 21-годишникот, а таму било пронајдено поголемо количество нелегално оружје и муниција, за кои момчето немало дозвола за користење

Српската полиција ги приведе вујкото и дедото на уапсениот У. Б. кој е осомничен за синоќешното масовно убиство кај Младеновац во кое загинаа осум лица, а 14 се повредени, јави српската Нова ТВ.

Полицијата ги привела бидејќи, како што јавува медиумот, се сомнева оти осомничениот 21-годишник по злосторството се криел во нивниот дом. Телевизијата претходно објави неофицијални информации, според кои, откако осомничениот го извршил злосторството побарал засолниште во куќата на своите роднини во селото Вињиште.

Ова село е лоцирано веднаш до селото Грошница – место каде што српската полиција информира дека утринава го уапсила момчето. До Вињиште, пак, според непотврдени информации што ги објавија српските медиуми, осомничениот стигнал со такси, заканувајќи му се на таксистот.

• Нова ТВ: Осомничениот масовен убиец од Младеновац под закана натерал таксист да го однесе во скривалиштето

Медиумите јавуваат дека полицијата извршила претрес во куќата во која наводно се криел 21-годишникот, а таму било пронајдено поголемо количество нелегално оружје и муниција. РТС јавува дека во куќата биле пронајдени четири бомби, калашников и поголема количина муниција. Момчето немало дозвола за користење на оружјето.

• Српското МВР потврди: Осомничениот за масакрот кај Младеновац е уапсен во населбата Грошница, во околината на Крагуевац 

Осомничениот е уапсен утринава во населбата Грошница во околината на Крагуевац откако од синоќа по него трагаа околу 600 припадници на специјалните единици на српската полиција.

Дваесет и едногодишниот У.Б. најпрвин почнал да пука во селото Дубона во Младеновац, а потоа продолжил со крвавиот пир во Мало Орашје и селото Шепшин.    

Во Дубона тој убил млад полицаец и неговата сестра, пукајќи по случаен избор во училишниот двор, каде што ранил уште неколку лица. Според мештаните, напаѓачот бил познат како проблематичен, кој бил од соседното село Долна Дубона. Најмладиот убиен во пукањето е роден 2008 година, односно е на возраст од 15 години.

Четиринаесетмина повредени се згрижени во болниците, а полицијата работи на расветлување на сите факти и околности за масовното убиство.

• Ова е терористички акт: Вучиќ најави целосно разоружување на Србија