Србија: Сопственик на компанија и возач на цистерна уапсени поради истекување на амонијак во Панчево

Основното јавно обвинителство Панчево во соработка со ПУ Панчево ги лиши од слобода С.К. (33) и Н.Б. (36), двајцата од Панчево, поради постоење основи на сомнение дека сториле кривични дела предизвикување општа опасност и оштетување на животната средина

Поради несреќата во Панчево, Србија, уапсен е сопственикот на компанијата „Сага“, како и возачот на цистерната од која синоќа истече амонијак во панчевската населба Топола, пренесе Нова.рс.

Основното јавно обвинителство Панчево во соработка со ПУ Панчево го лиши од слобода С.К. (33) и Н.Б.(36) двајцата од Панчево поради постоење основи на сомнение дека сториле кривични дела предизвикување општа опасност и оштетување на животната средина, бидејќи С.К. како сопственик и одговорно лице на фирмата „Сага“ и Н.Б. како возач на цистерна на која истекувал амонијак предизвикал опасност по животот на луѓето поради одвртување на вентилот на резервоарот, при што 15 лица се хоспитализирани во ОБ Панчево.

По извршениот увид, на кој присуствуваа Покраинскиот и републичкиот инспектор за заштита на животната средина, републичкиот инспектор за транспорт на опасни материи, инспекторот за заштита при работа, Полициската управа во Панчево и дежурниот заменик од Панчево, и утврдувањето на сите релевантни факти поврзани со критичниот настан одредиле мерка притвор за С.К. и Н.Б. во траење од 48 часа.

Во населбата Топола кај јужната индустриска зона во Панчево, Србија, синоќа околу 23 часот дошло до протекување на амонијак од цистерна, а 10 лица со полесни повреди се пренесени во Општата болница во Панчево. Од нив, двајца се на кислородна поддршка, пренесуваат српските медиуми.

Останатите имале полесни проблеми со горните дишни патишта.

Веднаш по инцидентот, полицијата и пожарникарите ги евакуирале сите граѓани кои живеат во близина и го обезбедиле местото.