СП за клубови за оваа године ќе се игра во Саудиска Арабија од 12 до 22 декември

Реал Мадрид петти пат откако се игра клупскиот Мундијал како наследник на Интерконтиненталниот куп стана светски првак за 2022 година во саботата во Мароко, а ФИФА објави каде ќе се игра годинешното издание на континенталните прваци.

Светската организација и додели на С. Арабија да го организира клупскиот Мундијал кој ќе се одржи од 12 до 22 декември, што е прв голем настан под капата на ФИФА за еден фудбалски турнир, откако оваа арапска земја веќе ги организира Суперкуповите на Шпанија и на Италија.

С. Арабија е кандидат за Мундијалот во 2030 година заедно со Египет и Грција, а веќе има добиено организација на Азискиот куп во 2027 година, како и на Азиските игри во 3024 година, а се најавува кандидатура и за Летни Олимписки игри во 2036 година.