На седмата седница на Советот на Општина Битола, која ќе се одржи во петок, советниците ќе расправаат за кварталниот извештај за извршување на Буџетот за четвртиот квартал од 2025 година, како и за завршната сметка на општината за изминатата година.
Пред членовите на Советот ќе се најде и годишниот извештај за работата на општината за 2025 година, како и одлуката за проширување на средствата на Буџетот за 2026 година.
Меѓу точките на дневниот ред е и одлуката за формирање координативно тело кое ќе ја следи имплементацијата на Локалниот акционен план за животна средина (ЛЕАП) за периодот 2024–2030 година.
Советниците ќе дискутираат и за отпочнување на процесот на ажурирање на процената на загрозеноста на подрачјето на општината од сите ризици и опасности.
На седницата ќе се најдат и две одлуки за прифаќање донации, од кои едната се однесува на изградба на ново фудбалско игралиште со вештачка трева и трибина, кое ќе биде лоцирано во рамките на стадионот Петар Милошевски стадион.
