Сончево и топло со температури до 39 степени

Продолжува сончевото и многу топло време во Македонија. Денеска максималните дневни температури ќе достигнат до 39 Целзиусови степени. Ќе дува слаб до умерен, а наместа повремено засилен ветер од југозападен правец. УВ индексот ќе биде 8.

Во Скопје сончево и многу топло со мала облачност. Ќе дува умерен, повремено засилен ветер од југозападен правец.

Временската прогноза и за утре е сончево и многу топло со мала облачност. Ќе дува слаб до умерен, а наместа засилен ветер од југозападен правец. Дневните температури ќе се движат од 31 до 40 Целзиусови степени.