Рангирањето на земјите според слободата на медиумите во 2023 година покажува дека земјава, со заземање на 38. позиција од вкупно 180, е лидер по слободни медиуми во однос на земјите на Балканот. Освен што е најдобро рангирана, по Црна Гора, земјава има најдобар напредок на ова поле во однос на земјите од Западен Балкан, споредено со рангирањето од минатата година
Со позитивен скок од 19 позиции во однос на 2022 година, земјава се најде на 38. место од вкупно 180 земји во светот според Глобалниот индекс на слобода на медиумите на „Репортери без граници“. Тоа ја прави најдобро рангирана земја од регионот во поглед на слободата на медиумите во 2023 година.
Освен што е најдобро рангирана, Северна Македонија, по Црна Гора, има најдобар напредок на ова поле во однос на земјите од Западен Балкан, споредено со рангирањето од минатата година.
Рангирањето на земјите според слободата на медиумите во 2023 година покажува дека земјава, со заземање на 38. позиција од вкупно 180, е лидер по слободни медиуми во однос на земјите на Балканот.
Едно место подолу од на ранг-листата, односно на 39. место е Црна Гора со позитивен скок од 24 позиции во однос на минатата година. Хрватска е позиционирана на 42. позиција, а Словенија го зазема 50. место според индексот на слобода на медиумите во 2023 година.
Полош ранг во поглед на слободата на медиумите во однос на земјава имаат и Косово кое се најде на 56. позиција, Босна и Херцеговина која го зазема 64. место. Според рангирањето од 2023 година, Бугарија е позиционирана на 71. место, Србија се најде на 91. место, а за пет места подолу на листата, односно на 96. место е рангирана Албанија.
Најнизок ранг од земјите од регионот во поглед на слобода на медиумите во 2023 година има Грција која се најде на 107. место.
ИЗВОР: 360stepeni.mk
