Денеска во 10.03 часот во СВР Скопје било пријавено дека над манастирот „Св.Еремија” во нас.Пинтија – Скопје билa пронајденa починатa З.Л.(68) од Скопје, за која на 31.12.2022 било пријавено дека се оддалечила од домот, информира МВР.
Скопјанката Зојка Луковиќ на 31 декември се оддалечи од својот дом во Пинтија и нејзиниот син Маријан со денови трагаше по неа, алармирајќи ја полицијата и соседите со надеж дека ќе добие информација за судбината на својата мајка.
Но, денеска по пронаоѓањето на телото на жената, екипа на Итна медицинска помош констатирала смрт без видливи траги на насилство, а по наредба на Јавен обвинител телото на починатата било предадено на обдукција.
ИЗВОР: kurir.mk
