Девет лидери од Европскиот фронт седнаа на иста маса да потпишаат декларација во Тетово, но и да испратат порака дека ќе ја известат меѓународната заедница дека како што велат не била испочитувана волјата на гласачите кои ги направила втора политичка сила во земјата.
Содржината на декларацијата пред присутните ја исчита првиот интегративец Ахмети, но и ги испрати клучните пораки од домот на културата во Тетово.
Мора да се почитува волјата на граѓаните а со тоа и Охридскиот рамковен договор. Овој договор 20 години беше модел како се пристапува кон решавање на нерешените прашања а кои ги засегаат Албанците но и помалите етнички заедници. Ние сме легитимен претставник на Албанците, но и на останатите етнички заедници избрани на овие избори на кои граѓаните го дадоа својот легитимитет.
Со пораки дека времето на чиста етничка држава е одамна поминато се огласија и дел од останатите лидери кои го прозваа Мицкоски, но и неговите коалициони партнери Вреди дека тие не се како што велат легитимните претставници на Албанците, но и на останатите етнички заедници.
– Ова е ВМРО на Арбен, Билал Изет Африм. Јас го нарекувам ВМРО АБИА. Тие немаат легитимитет и никој нема право да ја аполитизира волјата на мнозинството Албанци. Проектот етничка чиста Македонија е одамна минато. – вели Села.
– Се обврзаа со договор дека сме мултиетничка држава. Доцна е за Македонија да има тенденција на чиста славомакедонска држава. Македонија остана територијално неприкосновена за разлика од многу други земји од регионот поради жртвата која ја дадоа Албанците. Македонија мултиетничка е единствената реалност. – изјави Мендух Тачи.
Ова е втора постизборна средба на лидерите на Европскиот фронт кои меѓудругото посочија дека ова се само први чекори и дека нема да застанат овдека со своите активности, а за сите нмови велат тековно ќе превземаат чекори и ќе ја информираат јавноста, но и меѓународниот фактор.
Извор: 24vesti.mk
