АНКАРА (АА) – Израел изврши воздушен напад врз некои воени пунктови во Дамаск, главниот град на Сирија, пренесува Анадолу.
Новинската агенција САНА во Сирија, врз основа на воен извор, тврди дека некои точки околу Дамаск биле цел на воздушен напад на израелските сили во 23:45 часот по локално време.
Наведено е дека „сириските системи за противвоздушна одбрана наишле на непријателски ракети и собориле некои од нив“.
Во врска со нападот нема соопштение од израелските власти.
Познато е дека елементите на либанскиот Хезболах, како и сириската армија и терористичките групи поддржани од Иран, се присутни во Дамаск и неговите рурални области.
Од почетокот на сириската граѓанска војна во 2011 година, Израел одвреме-навреме врши напади врз групи поддржани од Иран и воени пунктови на сириската армија.
Извор: www.aa.com.tr
