Претседателката Гордана Сиљановска-Давкова го потпиша указот за прогласување на Законот за изменување и дополнување на Законот организација и работа на органите на државната управа. Во објавата на својот официјален фејсбук-профил, во кој информира за потпишувањето на указот, Сиљановска-Давкова повторува дека на законски измени како оваа, кои се носат со двотретинско мнозинство, шефот на државата нема право на вето.
Претседателката оценува дека законските измени се реформски и дека со нив, пред сè, како што вели, ќе се анулира паралелизмот на надлежностите на многу министерства, и ќе се обезбеди функционалност и одговорност.
Извор: 24vesti.mk
