Шведска сака да го обнови дијалогот со Турција за нејзиното членство во НАТО

January 25, 2023
1 min read

Според шведскиот премиер, за неговата земја ниту едно друго национално прашање не е поважно од влезот на Шведска и Финска во НАТО

Шведска сака да го обнови дијалогот со Турција во врска со нејзиното, и барањето на Финска за забрзан пристап во НАТО алијансата, изјавил во вторникот шведскиот премиер Улф Кристерсон, пренесе Ројтерс.

Улф Кристерсон, премиер на Шведска

„Ниту едно друго национално прашање не е поважно од тоа што ние, заедно со Финска, треба што побрзо да станеме членки на НАТО“,

рече Кристерсон.

Финскиот министер за надворешни работи, Пека Хависто, истиот ден навести дека неговата земја би можела да размисли за влез во НАТО без соседна Шведска, доколку Турција продолжи да го блокира нивното заедничко барање за пристап во воената Алијанса. Тој потоа ги повлече своите зборови и прече дека се изразил непрецизно.

Официјална Анкара на неодредено време го одложи трилатералниот состанок меѓу Турција, Шведска и Финска за членството во НАТО, откако викендов на протестот на антиисламските и прокурдските активисти во Стокхолм, лидерот на екстремно десничарската политичка партија во земјата, Расмус Палудан, запали копија од Куранот пред турската амбасада.

Турскиот претседател Реџеп Таип Ердоган го осуди протестот на Расмус Палудан за палење на Куранот велејќи дека тоа е навреда за сите, особено за муслиманите. Дополнително, изјави дека по антиисламските протести, Шведска не треба да очекува поддршка од турска страна за влез во НАТО.

Шведска и Финска побрзаа да аплицираат за членство во Алијансата по почетокот на руската инвазија на Украина во февруари 2022 година, напуштајќи ја својата долгогодишна политика на неутралност.

За нивниот влез е потребно одобрение од сите земји членки на НАТО, вклучително и Турција, која досега го блокираше таквото проширување, наведувајќи дека особено Шведска мора да ги потисне активностите на прогонетите курдски активисти и нивните симпатизери.

Во меморандумот за разбирање потпишан од Финска, Шведска и Турција на самитот на НАТО минатата година, Стокхолм и Хелсинки ветија дека нема да ги поддржуваат курдските милитантски групи и дека ќе го укинат нивното ембарго за оружје на Турција воведено по нејзиниот упад во северна Сирија во 2019 година, додека Турција за возврат нема да го блокира нивниот пристап во Алијансата.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Денеска ќе се дарува крв во чест на роденденот на нашиот Тоше

Следно

Крис Хипкинс е новиот премиер на Нов Зеланд

Latest from Blog

Коњановски: Во 2027 година се планира пуштање делница од 12 километри на автопатот Прилеп–Битола

Делница од 12 километри од автопатот Прилеп–Битола е планирано да биде пуштена во сообраќај во 2027 година, а до крајот на 2028 година да бидат асфалтирани вкупно 28 километри. Ова било најавено

Проданоски: Потенцијалот на младите да го претвориме во дела за Прилеп

Повеќе од 200 млади од Прилеп учествуваа во симулација на Европскиот парламент, преку која се запознаа со функционирањето на европските институции, носењето одлуки и значењето на демократската дебата. Градоначалникот Дејан Проданоски ја

Божиновска: Македонија е дел од трансатлантскиот дијалог за енергетска безбедност

Министерката за енергетика, рударство и минерални суровини, Сања Божиновска, на 18 и 19 ноември ќе учествува на Седмиот состанок на Партнерството за трансатлантска енергетска соработка (P-TEC) во Варшава, Полска, организиран во соработка

Коњановски: Гласот на младите треба да се преточи во конкретни локални решенија

Триесет средношколци од Битола развија проектни предлози за решавање проблеми во својата заедница, во рамките на проектот ЛАПСИ – Локални активни платформи за социјални иновации. На денешната работилница тие ги финализираа идеите

Општина Прилеп: Втор повик за поддршка на семејствата со првачиња во учебната 2026/2027 година

Општина Прилеп објави втор јавен повик за доделување еднократна парична помош на семејствата со деца запишани во прво одделение во учебната 2026/2027 година. Повикот е наменет за родителите кои не аплицирале во
Go toTop