Песната „Тетоважа“ собра вкупно 583 поени, 57 повеќе од „Ча ча ча“ на финскиот претставник Керије, кој, пак, освои најмногу гласови од публиката. На третото место заврши Израел со 362 поени
Шведска е победник на 67. Евровизија која годинава се одржа во Ливерпул. За поп ѕвездата Лорин, која ја претставуваше Шведска, ова е втора победа на најголемото музичко натпреварување, откако победи за Шведска во 2012 година со песната „Еуфорија“.
Нејзината годинашна песна „Тетоважа“ собра вкупно 583 поени, 57 повеќе од „Ча ча ча“ на финскиот претставник Керије, кој, пак, освои најмногу гласови од публиката. На третото место заврши Израел со 362 поени.
„Ова е премногу за мене. И во моите најлуди сништа не мислев дека ова може да се случи“,
изјави 39-годишната Лорин.
Нејзината победа значи дека Шведска ќе биде домаќин на следната Евровизија, што ќе се совпадне со 50-годишнината од победата на „АББА“ со песната „Ватерло“.
На последното место годинава, според гласовите, заврши Германија, зад Велика Британија и Србија. Германскиот метал бенд „Лорд оф д лост“ имаше само 18 поени. Претставничката на Велика Британија, Меј Мулер освои 28 поени, а претставникот на Србија, Лук Блек имаше 30 поени.
Извор: 360stepeni.mk
