Штрајкот ги прекина летовите на израелскиот аеродром „Бен Гурион“

March 27, 2023
1 min read

КУДС (АА) – Поради штрајкот прекинати се летовите на „Бен Гурион“, најголемиот меѓународен аеродром во Израел, јавува Анадолу.

Израел веќе 12 недели е место на протести против владините планови за воведување реформи во правосудството што опозицијата ги гледа како обид за намалување на овластувањата на судството во корист на извршната власт.

Синдикатот на вработените на аеродромите во Израел објави дека штрајкува откако Владата не го суспендираше планот за реформи во правосудството.

Локалните медиуми објавија дека сите летови на аеродромот „Бен Гурион“ се суспендирани.

Израелската национална федерација на синдикати на јавни службеници денес предупреди дека ќе започне генерален штрајк доколку израелскиот премиер Бенјамин Нетанјаху не го суспендира својот план за судски реформи.

Штрајк најави и најголемиот работнички синдикат во земјата Хастадрут, како и лекарскиот синдикат.

Нетанјаху синоќа го смени министерот за одбрана Јоав Галант, по еден ден откако шефот на одбраната ја повика Владата да ја запре контроверзната судска реформа.

Смената на министерот предизвика масовни протести што траеја до утрово.

Реформата, предложена од министерот за правда Јарив Левин, ќе биде најрадикална промена досега во системот на владеење во Израел.

Планираната промена сериозно ќе ги ограничи овластувањата на Врховниот суд на правдата, ќе ѝ даде на Владата овластување да избира судии и ќе ја прекине практиката државниот обвинител да назначува правни советници во министерствата.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

VERO JUMBO MACEDONIA

EVN MACEDONIA

AUTO SHKOLLA BEKO

MATINA DENTAL CLINIC

Претходно

(ФОТО+ВИДЕО) Ковачевски за три години во НАТО: На денешен ден С Македонија ја запечати својата безбедносна иднина

Следно

Општина Илинден интензивно работи на реализација на повеќе капитални проекти во населба Јака

Latest from Blog

Студено време викендов, најавени врнежи

Метеоролозите за денеска прогнозираат облачно време, со врнежи кои ќе бидат сконцентриани во крајниот западен регион во сабота и тоа повеќе во втората половина од денот. Од УХМР велат, дека врнежи ќе

МНОГУ Е УБАВО Е ДА СИ АЛБАНСКИ ЗЕТ, А НЕ ГЛАВА ВО ФАМИЛИЈА – Вереникот на Дуа Липа е главен кандидат за улогата на Џејмс Бонд

Иако имиња како Арон Тејлор-Џонсон, Тео Џејмс и Џејмс Нортон се споменуваат со месеци, еден актер неочекувано се искачи на врвот на топ листите откако Даниел Крег го остави пиштолот во 2021

Британската авијација предупредува на можни прекини поради проблем со софтверот на „Ербас“

Британската служба за цивилно воздухопловство (CAA) денес објави дека се очекуваат можни прекини во работењето на авиокомпаниите и летовите во Велика Британија поради голема промена на софтверот на значителен број авиони Airbus
Go toTop