Што знае Фејсбук што се сто милијарди долари

May 10, 2023
1 min read

„Метаверс сега оди на гробиштата на пропаднати идеи на технолошката индустрија. Меѓутоа неговиот краток живот и срамна смрт се и оценка за технолошката индустрија која го изроди,“ пишува Ед Зитрон во анализата за Бизнис инсајдер.

Од првиот ден постоење на Метаверс Закерберг го продаде проектот како „иднината на интернетот“ и така и се однесуваше кон него (финансиски и со други ресурси) се до пред некој месец. Метаверсот, на кратко, беше виртуелна реалност во која можеа да се сретнат виртуелните аватари на сите луѓе на планетава.

Ветувањата на Закерберг не се исполнија главно заради технички проблеми и недоработеност на продуктот, кој никогаш не стана вистински уверлива замена за реалноста како што тој тоа го ветуваше. Зитрон забележува и дека Метаверс никогаш немал јасен бизнис модел, туку постојано бил завиен во општи зборови, фрази и ветувања, кои немаат никаква реална вредност.

За успехот на Метаверс не помогна ни тоа што бизнис светот беспоштедно го прифати оптимизмот на Закерберг, па или се накачија на проектот на Мета или секоја поголема компанија почна да работи на сопствен метаверс, без разлика што и нивните не беше јасно што прават и за што служат. Ваквото расположение кон виртуелната реалност само беше засилено од наклонетоста на медиумите, кои без трошка критичност ги пренесуваа прогнозите за иднината на Метаверс, пример дека Метаверс би можел да генерира вредност до „5.000 милијарди долари.“

Проблем е што целиот овој хајп и целото верување во Метаверс се базираше на „нејасните ветувања на еден единствен ЦЕО, а кога луѓето добија шанса вистински да го користат, никој не седна да го употреби.“

Децентраленд, најдобро финансираниот Метаверс производ чиј екосистем се проценуваше на 1,3 милијарди долари имаше околу 38 корисници на ден (во 2021 Фејсбук има речиси 72.000 вработени). Официјалната верзија на Децентраленд е дека имале 8.000 корисници на ден, што и понатаму е само делче од бројот на луѓе кои секојдневно се вклучуваат да играат онлајн игри како Фортнајт. Подоцна Вол стрит журнал објави дека само 9% од световите креирани од корисниците имале повеќе од 50 играчи на ден, а Верџ пишуваше дека Метаверс е толку лошо изработен што дури и вработените на Мета го избегнуваат.

Откако во јануари Микрософт ги отпушти стоте луѓе што работеа на нивниот метаверс производ, а слично направија и Дизни и Волмарт, во март Закерберг објави дека компанијата ја прави најголемата единечна инвестиција во вештачка интелигенција и дека сега и тој самиот најголемиот дел од времето го минува на вештачка интелигенција.

Процената на Зитрон е дека Закерберг никогаш не бил вистински заинтересиран за Метаверс и технологијата зад него, туку дека почувствувал дека по толку години Фејсбук мора да понуди нешто револуционерно ново како би ја кренал цената на акциите на компанијата.

До овој момент, Мета имаше инвестирано над 100 милијарди долари во развој и истражување на Метаверс.

ИЗВОР: off.net.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Промоција на „Живот на меѓукат“ од Јовица Ивановски во КИЦ

Следно

(ВИДЕО) И власта и опозицијата „паѓаат“ на проверката на факти – како гради „Бехтел и Енка“ во Србија

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop