Шоле пристигна во Владата, корупцијата една од темите на разговор

January 11, 2023
1 min read

Советникот на Стејт департментот Дерек Шоле утрово пристигна во Скопје, каде што беше пречекан пред платото на Владата од премиерот Димитар Ковачевски.

Шоле и Ковачевски ќе разговараат за повеќе прашања, меѓу кои енергетиката, економијата и борбата против корупцијата.

Целта на посетата на Шоле на Западен Балкан, како што претходно соопшти Стејт департментот, е да ја нагласи трајната посветеност на САД за мир, стабилност и просперитет на Западен Балкан.

Неговата посета на земјава е во рамки на балканската турнеја, за време на која ќе ги посети и Косово и Србија.

Амбасадорката на САД во земјава Анџела Агелер во понеделникот рече дека САД имаат план да ги реафирмираат заедничките приоритети како што е борбата против корупцијата и дека тоа ќе остане приоритет за Вашингтон и ќе покрене неколку прашања за време на посетата на советникот на Стејт департментот, Дерек Шоле.

Агелер посочи дека ова биде ќе многу интензивна година, а, како што рече, советникот Шоле со неговата посета ќе ги потврди заложбите и поддршката на САД за Северна Македонија.

Советникот на државниот секретар на САД Ентони Блинкен, од Скопје заминува за Приштина на средби со владини претставници, политички лидери и претставници на граѓанското општество. Во фокусот на разговорите ќе бидат напорите на САД да помогнат во унапредувањето на косовската и евроатлантската интеграција, вклучително и преку дијалогот олеснет од ЕУ за да се постигне сеопфатен договор за нормализација на односите меѓу Косово и Србија, фокусирани на меѓусебното признавање.

На 12 јануари, Шоле ќе продолжи во Белград, каде со раководството на српската Влада ќе разговара за енергетската безбедност, регионалната економска интеграција и напредокот кон целта на Србија за пристап во ЕУ. Тој, исто така, ќе разговара за улогата на Србија во зајакнувањето на регионалниот мир и безбедност и нејзиниот континуиран ангажман во Дијалогот олеснет од ЕУ за нормализирање на односите со Косово.

Шоле требаше да допатува во Скопје минатиот месец, но неговата посета беше одложена поради позитивен ковид тест.

– Жалам што морам да го одложам моето патување на Балканот и во Брисел поради позитивен тест за Ковид. Ќе останам ангажиран по сите прашања во однос на регионот на Балканот, и со нетрпение очекувам патувањето да го направам на почетокот од наредната година, напиша тогаш високиот американски дипломат на неговиот официјален твитер-налог.

ИЗВОР: kurir.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

Ватикан повторно го отвори случајот со тинејџерката која исчезна во 1983 година – теориите се морничави

Следно

НОВ ВИД НА КОРОНАВИРУС ВО СРБИЈА – повеќе од 1.000 новозаболени на дневно ниво, министерството за здравство со шокантно тврдење!

Latest from Blog

ВИДЕО: Тоа што овој човек го носи на електричен тротинет никогаш не сте го виделе

Видео од непознато лице кое транспортира врата во Сурчин на електричен тротинет ги запали социјалните мрежи. Не е познат идентитетот на лицето кое го вози електричниот тротинет. Добрата работа во сето ова

ДИК: Во 33 општини се завршени изборите за градоначалник во прв круг

До вчера течеа роковите за поднесување евентуални приговори за постапката на гласање и приговори за утврдување и сумирање на резултатите од гласањето, ДИК по истекот на законските рокови објавува за кои општини

Проданоски: Нека ни е честит 23 Октомври – денот на македонската револуционерна борба

Новoизбраниот градоначалник на општина Прилеп, Дејан Проданоски, по повод 23 Октомври – Денот на македонската револуционерна борба, упати честитка до граѓаните, истакнувајќи дека овој ден е симбол на почетокот на организираната борба

Светска уметничка повторно ја тужи Тејлор Свифт: Таа ги бара сите приходи од хитовите

Уметничка од Флорида, Кимберли Мараско, побарала од судот да им наложи на светската музичка ѕвезда, пејачката Тејлор Свифт и на другите обвинети да се откажат од своите заработки од песни за кои таа тврди
Go toTop