Украинскиот премиер Денис Шмигал денеска изјави дека самитот Украина-Европска унија (ЕУ) ќе се одржи в петок во Киев, а ден претходно – први „меѓувладини консултации“ меѓу Киев и Европската комисија.
„Фактот што самитот се одржува во Киев е силен сигнал и за нашите партнери и за нашите непријатели“, рече Шмигал на состанокот на Владата и додаде дека од самитот очекува позитивна оценка за напорите на Украина за европска интеграција.
„Консултациите во четврток и самитот в петок ќе бидат два исклучително важни состаноци за европската интеграција на Украина, бидејќи тие треба да и овозможат на Европа да верува во победата на Украина и да ги поддржи активностите на Украина кои водат кон членство во ЕУ“, рече Шмигал.
На крајот на јуни 2022 година, Украина доби официјален статус на кандидат за прием во ЕУ, што беше силен симболичен гест четири месеци по почетокот на руската инвазија.
ИЗВОР: kurir.mk
